ಅಮೋನಿಯಾ ಅನಿಲ ಸೋರಿಕೆ: ಓರ್ವ ಸಾವು, ಮೂವರು ಅಸ್ವಸ್ಥ

ಕರ್ನೂಲ್‌: ಆಂಧ್ರಪ್ರದೇಶದ ವೆಂಕಟಾಪುರಂನಲ್ಲಿ ಇತ್ತೀಚೆಗೆ ಎಲ್‌ಜಿ ಪಾಲಿಮರ್ಸ್‌ನಿಂದ ವಿಷಾನಿಲ ಸೋರಿಕೆಯಾಗಿ ಅನೇಕ ಜನರು ಸಾವನ್ನಪ್ಪಿದ ಘಟನೆ ಮಾಸುವ ಮುನ್ನವೇ ಅದೇ ರಾಜ್ಯದ ಕರ್ನೂಲ್‌ ಜಿಲ್ಲೆಯಲ್ಲಿ ಮತ್ತೂಂದು ಅಂಥದ್ದೇ ಕೈಗಾರಿಕಾ ದುರಂತ ಸಂಭವಿಸಿದೆ.

ನಂದಿ ಗ್ರೂಪ್‌ ಒಡೆತನದ ತಯಾರಿಕಾ ಘಟಕವೊಂದರಲ್ಲಿ ಅಮೋನಿಯಾ ಅನಿಲ ಸೋರಿಕೆಯಾಗಿ ಓರ್ವ ನೌಕರ ಸಾವನ್ನಪ್ಪಿ, ಮೂವರು ತೀವ್ರ ಅಸ್ವಸ್ಥರಾಗಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಕರ್ನೂಲ್‌ ಹೊರ­ವಲಯ­ದಲ್ಲಿರುವ ಎಸ್‌ಪಿವೈ ಆಗ್ರೋ ಇಂಡಸ್ಟ್ರಿ­ಯಲ್ಲಿ ಈ ದುರಂತ ಸಂಭವಿಸಿದೆ.

ಅವಘಡ ಕುರಿತು ಪ್ರತಿಕ್ರಿಯಿಸಿರುವ ಜಿಲ್ಲಾಧಿಕಾರಿ ವೀರಪಾಂಡಿಯನ್‌, “ಕೈಗಾರಿಕೆಯ ಒಳಗಡೆ ಅನಿಲ ಸೋರಿಕೆ­ಯಾಗಿದ್ದು, ಹೊರಗಡೆ ಹರಡಿಲ್ಲ. ಹೀಗಾಗಿ ಆತಂಕ ಪಡುವ ಅಗತ್ಯವಿಲ್ಲ’ ಎಂದು ತಿಳಿಸಿದ್ದಾರೆ.