ಈಶಾನ್ಯ ದಿಲ್ಲಿಯಲ್ಲಿ ಇರಿತಕ್ಕೆ ಓರ್ವ ಬಲಿ, ಇನ್ನೊಬ್ಬನ ಸ್ಥಿತಿ ಗಂಭೀರ

ಹೊಸದಿಲ್ಲಿ : ಈಶಾನ್ಯ ದಿಲ್ಲಿಯ ಭಜನ್‌ಪುರ ಪ್ರದೇಶದಲ್ಲಿ ಅಪರಿಚಿತ ದುಷ್ಕರ್ಮಿಗಳು ನಡೆಸಿದ ಇರಿತಕ್ಕೆ ಓರ್ವ ವ್ಯಕ್ತಿ ಮಡಿದು  ಇನ್ನೋರ್ವ ಗಂಭೀರವಾಗಿ ಗಾಯಗೊಂಡಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.

ಈಶಾನ್ಯ ದಿಲ್ಲಿಯ ಭಜನ್‌ಪುರ ಪ್ರದೇಶದ ಖಜೂರಿ ಚೌಕ್‌ ಸಮೀಪ ನಡೆದಿರುವ ಈ ಘಟನೆಯಲ್ಲಿ ಮೃತ ಪಟ್ಟಿರುವ ವ್ಯಕ್ತಿಯನ್ನು  ಪ್ರೇಮ್‌ ಸಾನು ಗೌರ್‌ (22) (ಕಾದೀಪುರ, ಕಾದಿ ವಿಹಾರ್‌ ನಿವಾಸಿ) ಮತ್ತು ಗಾಯಾಳುವನ್ನು  ದೇವ್‌ ಶರ್ಮಾ (30)  ಎಂದು ಗುರುತಿಸಲಾಗಿದೆ.

ಈ ಇರಿತದ ಘಟನೆಗೆ ಕಾರಣವೇನೆಂಬುದು ಗೊತ್ತಾಗಿಲ್ಲ; ಸಂತ್ರಸ್ತರ ಮೊಬೈಲ್‌, ಹಣದ ಪರ್ಸ್‌ ಎಲ್ಲವೂ ಅವರ ಬಳಿಯೇ ಇರುವುದರಿಂದ ದರೋಡೆ ಉದ್ದೇಶ ಇದ್ದಂತೆ ಕಾಣುವುದಿಲ್ಲ ಎಂದು ಪೊಲೀಸರು ತಿಳಿಸಿದ್ದು ಕೊಲೆ ಕೇಸನ್ನು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.