ಮಾಜಿ ರಾಷ್ಟ್ರಪತಿ ರಾಮನಾಥ್‌ ಕೋವಿಂದ್‌ಗೆ 2.5 ಲಕ್ಷ ರೂ. ಪಿಂಚಣಿ

ನವದೆಹಲಿ: ರಾಷ್ಟ್ರಪತಿ ಹುದ್ದೆಯಿಂದ ನಿವೃತ್ತಿಯಾದ ರಾಮನಾಥ್‌ ಕೋವಿಂದ್‌, ಅವರಿಗೆ 2.5 ಲಕ್ಷ ರೂ. ವೇತನ ಸಿಗಲಿದೆ. ಜೊತೆಗೆ, ದೆಹಲಿಯ ಪ್ರತಿಷ್ಠಿತ ಬಡಾವಣೆಯಾದ ಲ್ಯೂಟೆನ್ಸ್‌ನಲ್ಲಿ ಅವರಿಗೊಂದು ಆಜೀವ ಪರ್ಯಂತ ವಾಸ ಮಾಡಲು ಬಾಡಿಗೆ ರಹಿತ ಬಂಗಲೆ ಸಿಗಲಿದೆ.

ಜೊತೆಗೆ, ಈ ಹಿಂದಿನ ಮಾಜಿ ರಾಷ್ಟ್ರಪತಿಗಳಿಗೆ ಕಲ್ಪಿಸಿದಂತೆಯೇ, ಕೋವಿಂದ್‌ ಅವರ ಕಚೇರಿ ನಿರ್ವಹಣೆಗಾಗಿ ಸಿಬ್ಬಂದಿಯನ್ನು ಸರ್ಕಾರ ನೇಮಕ ಮಾಡಲಿದ್ದು, ಅವರಲ್ಲಿ ಕೋವಿಂದ್‌ ಅವರಿಗೆ ಒಬ್ಬ ಆಪ್ತ ಸಹಾಯಕ, ಇಬ್ಬರು ಕಚೇರಿ ಸಹಾಯಕರು ಇರಲಿದ್ದಾರೆ.

ಕಚೇರಿ ನಿರ್ವಹಣೆಗಾಗಿ ವರ್ಷಕ್ಕೆ 1 ಲಕ್ಷ ರೂ.ಗಳನ್ನು ನೀಡಲಾಗುತ್ತದೆ. 1951ರ ರಾಷ್ಟ್ರಪತಿಯವರ ಅಧ್ಯಕ್ಷರ ವೇತನ ಮತ್ತು ಪಿಂಚಣಿ ಕಾಯ್ದೆಯ ಅನುಸಾರ, ರಾಷ್ಟ್ರಪತಿಗಳ ಮಾಸಿಕ ವೇತನ 5 ಲಕ್ಷ ರೂ.ಗಳಿರುತ್ತದೆ.