Advertisement
ಅವರ ಸಾಮರ್ಥ್ಯ ಮಸುಕಾಗಲು ಕ್ಯಾನ್ಸರ್‌ ಕಾರಣ. 2011ರಲ್ಲಿ ಅವರು ಶ್ವಾಸಕೋಶದ ಕ್ಯಾನ್ಸರ್‌ ಚಿಕಿತ್ಸೆಗೊಳಗಾಗಿ 2012ರಲ್ಲಿ ಮತ್ತೆ ಕ್ರಿಕೆಟ್‌ ಮೈದಾನಕ್ಕೆ ಮರಳಿದರು. ಆದರೆ ಅವರು ಹಿಂದಿನ ಜಾದೂತನವನ್ನು ಕಳೆದುಕೊಂಡಿದ್ದರು.
ಭಾರತ ತಂಡ ಏಕದಿನ ಮತ್ತು ಟಿ 20 ವಿಶ್ವಕಪ್ ಗೆಲ್ಲುವಲ್ಲಿ ಯುವರಾಜ್‌ ಸಿಂಗ್‌ ಪಾತ್ರ ಬಹು ಮಹತ್ವ¨ªಾಗಿತ್ತು. ಆದರೆ, ಬಳಿಕ ಯುವಿ ಆಟ ಮಂಕಾಯಿತು. ಫೀಲ್ಡಿಂಗ್‌ ಮತ್ತು ಬ್ಯಾಟಿಂಗ್‌ನಲ್ಲಿ ಪ್ರದರ್ಶಿಸುತ್ತಿದ್ದ ಚುರುಕುತನ ಮರೆಯಾಯಿತು. ಬೌಲಿಂಗ್‌ನಲ್ಲಿ ಕೂಡ ಯುವಿ ಸಾಮರ್ಥ್ಯ ಮೊದಲಿನಂತಿಲ್ಲ. ಯುವರಾಜ್‌ ಇದ್ದರೆ ಎಂತಹ ದೊಡ್ಡ ಮೊತ್ತವನ್ನಾದರೂ ತಲುಪಬಹುದು ಎಂಬ ಭರವಸೆ ಈಗ ಉಳಿದಿಲ್ಲ. ತಂಡಕ್ಕೆ ಅನಿವಾರ್ಯ ಎಂಬ ಸ್ಥಿತಿಯಲ್ಲಿದ್ದ ಯುವಿ ಆಟ ಹೀಗೇಕಾಯಿತು ಎಂಬ ಪ್ರಶ್ನೆ ಹಲವರನ್ನು ಕಾಡುತ್ತಿದೆ. ಅದಕ್ಕೆ ಕಾರಣವಾಗಿದ್ದು ಫಿಟೆ°ಸ್‌. ಯುವಿ ಪದೇ ಪದೆ ಗಾಯದ ಸಮಸ್ಯೆಗೆ ಒಳಗಾದರು. ತಮ್ಮ ಹಿಂದಿನ ಫಿಟೆ°ಸ್‌, ಆರೋಗ್ಯ ಕಾಪಾಡಿಕೊಳ್ಳುವಲ್ಲಿ ವಿಫ‌ಲರಾದರು. ಇದು ಅವರ ಆಟದ ಮೇಲೆ ಪರಿಣಾಮ ಬೀರಿತು. ಮತ್ತೂಮ್ಮೆ ಅವರು ತಂಡಕ್ಕೆ ಮರಳಿದ್ದಾಗ ತಮ್ಮಲ್ಲಿ ಅದೇ ಶಕ್ತಿ ಉಳಿದಿದೆ ಎನ್ನುವುದು ಅತ್ಯದ್ಭುತ ಶತಕದ ಮೂಲಕ ತಿಳಿಸಿಕೊಟ್ಟರು. ಅದಾದ ನಂತರ ಮತ್ತೆ ಯಥಾಪ್ರಕಾರ ವೈಫ‌ಲ್ಯ ಮುಂದುವರಿಯಿತು.
Related Articles
ಈ ಬಾರಿ ರಣಜಿ ತಂಡಕ್ಕಾಗಿ ಪ್ರಕಟಗೊಂಡಿರುವ ಪಂಜಾಬ್‌ ತಂಡದಿಂದ ಯುವಿಯನ್ನು ಕೈಬಿಡಲಾಗಿದೆ. ಬದಲು ಯುವ ಆಟಗಾರರಿಗೆ ಮಣೆಹಾಕಲಾಗಿದೆ. ಈ ಹಿಂದೆ ಭಾರತ 2011ರ ವಿಶ್ವಕಪ್ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದ್ದ ಯುವಿ, ಮುಂದಿನ ವಿಶ್ವಕಪ್ ಆಡುವ ಮಹಾದಾಸೆ ಹೊಂದಿದ್ದರು. ಆದರೆ ಈ ಬಾರಿಯ ವಿಜಯ್‌ ಹಜಾರೆ ಟ್ರೋಫಿಯಲ್ಲಿ ಸ್ಥಾನ ಪಡೆದಿದ್ದ ಯುವಿ ಪರವಾಗಿಲ್ಲ ಎಂಬಂತಹ ಪ್ರದರ್ಶನ ನೀಡಿದ್ದಾರೆ. ಹೀಗಾಗಿ ದೇವಧರ್‌ ಟೂರ್ನಿಯಲ್ಲೂ ಸ್ಥಾನ ಪಡೆಯಲಿಲ್ಲ. ಸದ್ಯ ರಣಜಿ ತಂಡದಲ್ಲೂ ಸ್ಥಾನ ಕಳೆದುಕೊಂಡಿರುವುದು ಯುವಿ ಅಂತಾರಾಷ್ಟ್ರೀಯ ಕ್ರಿಕೆಟ್‌ ಜೀವನ ಮುಕ್ತಾಯವಾಯಿತು ಎಂಬುದರ ಸ್ಪಷ್ಟ ಸೂಚನೆ. ಅಷ್ಟೇ ಅಲ್ಲದೇ ಪಂಜಾಬ್‌ನ ಮತ್ತೂಬ್ಬ ಹಿರಿಯ ಆಟಗಾರ ಹರ್ಭಜನ್‌ ಸಿಂಗ್‌ ಕೂಡ ಪಂಜಾಬ್‌ ತಂಡದಿಂದ ಹೊರಬಿದ್ದಿದ್ದು ಈ ಇಬ್ಬರೂ ನಿವೃತ್ತಿ ಅನಿವಾರ್ಯ ಎನ್ನುವ ಸ್ಥಿತಿಯಲ್ಲಿದ್ದಾರೆ.
Advertisement
ತಂಡದಲ್ಲಿ ಸ್ಥಾನ ಬಹಳ ಕಷ್ಟ
ಗೌರವಯುತ ನಿವೃತ್ತಿ ಹೇಳಲು ಯುವರಾಜ್‌ಗೆ ಕೊನೆಯ ಅವಕಾಶ ನೀಡಬೇಕೆಂಬ ಕೂಗಿಗೆ ಮನ್ನಣೆ ನೀಡಿದರೂ, ಯಾರ ಸ್ಥಾನದಲ್ಲಿ ಅವರಿಗೆ ಅವಕಾಶ ನೀಡಬೇಕು ಎಂಬ ಪ್ರಶ್ನೆ ಉದ್ಭವಿಸುತ್ತದೆ. ಏಕೆಂದರೆ ತಂಡದಲ್ಲಿನ ಆಟಗಾರರು ಉತ್ತಮ ಫಾರ್ಮ್ನಲ್ಲಿ¨ªಾರೆ. ಉತ್ತಮ ಫಾರ್ಮ್ನಲ್ಲಿದ್ದು ಗಾಯಗೊಂಡು ಹೊರಗೆ ಹೋದರೂ ಮತ್ತೆ ಮರಳಿ ತಂಡದಲ್ಲಿ ಸೇರಿಕೊಳ್ಳುವುದು ಕಷ್ಟ ಎಂಬಂತಹ ಪರಿಸ್ಥಿತಿ ಇದೆ. ಮಧ್ಯಮ ಕ್ರಮಾಂಕದ ಬ್ಯಾಟಿಂಗ್‌ಗೆ ತೀವ್ರ ಪೈಪೋಟಿ ಇದೆ. ಯುವ ಆಟಗಾರರು ಅವಕಾಶ ಸಿಕ್ಕಾಗಲೆಲ್ಲ ತಮ್ಮ ಪ್ರತಿಭೆ ಪ್ರದರ್ಶಿಸುತ್ತಿ¨ªಾರೆ. ಇದರ ನಡುವೆ ಹಿರಿಯ ಯುವರಾಜ್‌ಗೆ ಸ್ಥಾನ ಕಲ್ಪಿಸುವುದು ಸುಲಭವಲ್ಲ.
2019ರ ವಿಶ್ವಕಪ್ ಸ್ಥಾನ ಕನಸುಯುವರಾಜ್ ಸಿಂಗ್‌ ಮತ್ತೆ ಭಾರತ ತಂಡಕ್ಕೆ ಮರಳುವ ನಿರೀಕ್ಷೆ ಹೊಂದಿ¨ªಾರೆ. 2019ರ ವಿಶ್ವಕಪ್‌ನಲ್ಲಿ ತಂಡವನ್ನು ಪ್ರತಿನಿಧಿಸುವ ಆಸೆ ಅವರದು. ಆದರೆ ಇದು ಕನಸು ಮಾತ್ರ. ಭಾರತ ತಂಡದಲ್ಲಿ ಸ್ಥಾನಕ್ಕಾಗಿ ಇರುವ ಪೈಪೋಟಿ, ಯುವರಾಜ್‌ ಸಿಂಗ್‌ ಕಳಪೆ ಫಾರ್ಮ್ ಮತ್ತು ವಯಸ್ಸು ಅವರನ್ನು ತಂಡದಿಂದ ದೂರ ಇಟ್ಟಿದೆ. ವಿಶ್ವಕಪ್ ಬಳಿಕ ನಿವೃತ್ತಿ
2019ರಲ್ಲಿ ಇಂಗ್ಲೆಂಡ್‌ ಮತ್ತು ವೇಲ್ಸ್‌ನಲ್ಲಿ ನಡೆಯಲಿರುವ ಐಸಿಸಿ ವಿಶ್ವಕಪ್ ಬಳಿಕ ನಿವೃತ್ತಿ ಹೊಂದುವ ಉದ್ದೇಶ ಯುವಿಯದು. “2019’ರವರೆಗೂ ಎಲ್ಲಿ ಅವಕಾಶ ಸಿಗುತ್ತದೆಯೋ ಅÇÉೆಲ್ಲ ಆಡುತ್ತೇನೆ. ಆ ವರ್ಷ ಮುಗಿಯುತ್ತಿದ್ದಂತೆಯೇ ಕ್ರಿಕೆಟ್‌ ಪಯಣದ ಬಗ್ಗೆ ನಿರ್ಧಾರ ತೆಗೆದುಕೊಳ್ಳುತ್ತೇನೆ. ಪ್ರತಿಯೊಬ್ಬರೂ ಒಂದಲ್ಲ ಒಂದು ದಿನ ಈ ನಿರ್ಧಾರ ತೆಗೆದುಕೊಳ್ಳಲೇಬೇಕು. 2000ನೇ ಇಸವಿಯಿಂದ ಅಂತಾರಾಷ್ಟ್ರೀಯ ಕ್ರಿಕೆಟ್‌ ಆಡುತ್ತಿದ್ದೇನೆ. ಈಗಾಗಲೇ 17-18 ವರ್ಷವಾಗಿದೆ. ಹೀಗಾಗಿ ಮುಂದಿನ ವರ್ಷ ಅದಕ್ಕೆ ಅಂತ್ಯ ಹಾಡುತ್ತೇನೆ’ ಎಂದಿ¨ªಾರೆ. ಗೌರವದ ಬೀಳ್ಕೊಡುಗೆ ಸಿಗುತ್ತದೆಯೇ?
ಭಾರತ ತಂಡಕ್ಕೆ ಸುದೀರ್ಘ ಕಾಲ ತಮ್ಮದೆ ಕೊಡುಗೆ ನೀಡಿರುವ ಯುವರಾಜ್‌ಗೆ ಬಿಸಿಸಿಐ ಗೌರವಯುತ ಬೀಳ್ಕೊಡುಗೆ ನೀಡುತ್ತದೆಯೇ? ಅಭಿಮಾನಿಗಳಲ್ಲಿ ಈ ಕುತೂಹಲ ಮೂಡಿದೆ. ಸಚಿನ್‌ ತೆಂಡುಲ್ಕರ್‌ಗೆ ದೊರೆತ ಗೌರವದ ಬೀಳ್ಕೊಡುಗೆ ರಾಹುಲ್‌ ದ್ರಾವಿಡ್‌, ವೀರೇಂದ್ರ ಸೆಹ್ವಾಗ್‌, ವಿವಿಎಸ್‌ ಲಕ್ಷ್ಮಣ್‌ ಅವರಂತಹ ಆಟಗಾರರಿಗೆ ಸಿಕ್ಕಿರಲಿಲ್ಲ. ಈ ವಿಚಾರದಲ್ಲಿ ಕ್ರಿಕೆಟ್‌ ಪ್ರಿಯರು ಬಿಸಿಸಿಐ ಧೋರಣೆ ಬಗ್ಗೆ ಆಕ್ರೋಶ ವ್ಯಕ್ತಪಡಿಸಿದ್ದರು. ಫಾರ್ಮ್ ಕಳೆದುಕೊಂಡಿರುವ ಯುವರಾಜ್‌ಸಿಂಗ್‌ಗೆ ಬಿಸಿಸಿಐ ಕೊನೆಯ ಅವಕಾಶ ನೀಡುವ ಜತೆಯಲ್ಲಿ ಗೌರವ ನೀಡಬೇಕು ಎನ್ನುವುದು ಅಭಿಮಾನಿಗಳ ಬಯಕೆ. ಐಪಿಎಲ್‌ 11ರಲ್ಲೂ ತೀವ್ರ ವೈಫ‌ಲ್ಯ
ಸಿಕ್ಸರ್‌ ಕಿಂಗ್‌ ಅಂತಾನೇ ಫೇಮಸ್‌ ಆಗಿರೋ ಯುವರಾಜ್‌ ಸಿಂಗ್‌, ಐಪಿಎಲ…ನಲ್ಲಿ ನಾನಾ ತಂಡಗಳಲ್ಲಿ ಆಡಿ¨ªಾರೆ. ಆದರೆ, ಅವರಿಂದ ಹೇಳಿಕೊಳ್ಳುವಂತಹ ಆಟ ಮೂಡಿಬಂದಿಲ್ಲ. 2014ರಲ್ಲಿ ಯುವಿ 14 ಕೋಟಿ ರೂಪಾಯಿಗೆ ಖರೀದಿಯಾಗಿ ಅತಿ ದುಬಾರಿ ಆಟಗಾರ ಎನಿಸಿಕೊಂಡಿದ್ದರು. ಆದರೆ, ಆಟದಲ್ಲಿ ಮಾತ್ರ ಪೂರ್ಣ ವಿಫ‌ಲರಾಗಿದ್ದರು. ಇನ್ನು 2016ರಲ್ಲಿ ಹೈದರಾಬಾದ್‌ ಸನ್‌ ರೈಸರ್ಸ್‌ ಪರ ಕಣಕ್ಕಿಳಿದಿದ್ರು. ಅಲ್ಲಿಯೂ ಸಹ ಕಳಪೆ ಪ್ರದರ್ಶನ ಅವರನ್ನು ಕಾಡಿತ್ತು. 2018 ಐಪಿಎಲ್‌ ಹರಾಜಿನಲ್ಲಿ ಹಲವು ನಿರೀಕ್ಷೆಗಳೊಂದಿಗೆ ಕಿಂಗ್ಸ್‌ ಇಲೆವೆನ್‌ ಪಂಜಾಬ್‌ ಫ್ರಾಂಚೈಸಿ ಯುವಿಯನ್ನು ಖರೀದಿಸಿತ್ತು. ಆದರೆ ಯುವಿ, ಕಿಂಗ್ಸ್‌ ಪಂಜಾಬ್‌ನ ಎÇÉಾ ನಿರೀಕ್ಷೆಗಳನ್ನು ಹುಸಿಗೊಳಿಸಿದರು. ಐಪಿಎಲ್‌ ಸೀಸನ್‌ 11ರಲ್ಲಿ ಯುವಿ, 7 ಪಂದ್ಯಗಳಲ್ಲಿ 91.42 ಸ್ಟ್ರೈಕ್‌ ರೇಟ…ನೊಂದಿಗೆ ಕೇವಲ 64 ರನ್‌ ಕಲೆಹಾಕಿ¨ªಾರೆ. ಐಪಿಎಲ್‌ನಲ್ಲೂ ಅವರು ವಿಫ‌ಲವಾಗಿರುವುದರಿಂದ ಅಭಿಮಾನಿಗಳು ಬೇಸರಗೊಳ್ಳುವುದು ಸಹಜ. ಇಲ್ಲೇ ಹೀಗಿರುವಾಗ ಭಾರತ ತಂಡ ಅವರ ಬಗ್ಗೆ ಭರವಸೆ ಕಳೆದುಕೊಳ್ಳುವುದು ಕಹಿಸತ್ಯ. -ಧನಂಜಯ ಆರ್‌, ಮಧು