ಹಡಿಲು ಬಿದ್ದ ಗದ್ದೆ ನಾಟಿ ಮಾಡಿದ ಯುವಕರು

ಕಟಪಾಡಿ: ಮಣಿಪುರ ವೆಸ್ಟ್‌ ಸಾರ್ವಜನಿಕ ಗಣೇಶೋತ್ಸವ ಸಮಿತಿ ಇವರ ವತಿಯಿಂದ ಶ್ರೀ ಅದಮಾರು ಮಠದ ರಸ್ತೆಯ ಪಕ್ಕದಲ್ಲಿರುವ ಹಡಿಲು ಬಿದ್ದಿದ್ದ ತಾಳಿಬಳ್ಳಿ ಗದ್ದೆಯಲ್ಲಿ ಭತ್ತದ ಸಸಿ (ನೇಜಿ) ನಾಟಿ ಕಾರ್ಯಕ್ರಮವು ಜು.14ರಂದು ನಡೆಯಿತು.

ಚಿತ್ರನಟ, ನಿರ್ಮಾಪಕ ಸೂರ್ಯೋ ದಯ ಪೆರಂಪಳ್ಳಿ ಈ ಬಗ್ಗೆ ಪ್ರತಿಕ್ರಿಯಿಸಿ, ಎಳೆಯರನ್ನೂ ಕೂಡಿಕೊಂಡು ಧಾರ್ಮಿಕ ಸಂಘಟನೆಯು ತಮ್ಮ ಬಳಕೆಯ ಅನಂತರದಲ್ಲಿ ಹಡೀಲು ಬಿದ್ದಿರುವ ಗದ್ದೆಯನ್ನು ಬಳಸಿಕೊಂಡು ನೇಜಿ ನಾಟಿ ನಡೆಸುತ್ತಿರುವುದು ತುಳುನಾಡಿನ ಹೆಮ್ಮೆ. ಆ ಮೂಲಕ ಸಮಗ್ರವಾಗಿ ಬೇಸಾಯದ ಗದ್ದೆಯೊಡನೆ ಬಾಂಧವ್ಯವನ್ನು ಬೆಸೆಯುವ ಕೆಲಸ ಇಲ್ಲಾಗುತ್ತಿರುವುದು ಅತ್ಯಂತ ಸಂತಸದ ವಿಷಯ ಎಂದರು.

ಈ ಸಂದರ್ಭ ಮಣಿಪುರ ವೆಸ್ಟ್‌ ಸಾರ್ವಜನಿಕ ಗಣೇಶೋತ್ಸವ ಸಮಿತಿ ಅಧ್ಯಕ್ಷ ಶೇಖರ್‌ ಕಲ್ಮಂಜೆ, ಕಾರ್ಯದರ್ಶಿ ಶ್ರೀಕಾಂತ್‌ ಸನಿಲ್‌, ಪದಾಧಿಕಾರಿಗಳು, ಸದಸ್ಯರು, ಗ್ರಾಮದ ಮಹಿಳೆಯರು, ಮಕ್ಕಳು, ಗ್ರಾಮಸ್ಥರು ಸೇರಿಕೊಂಡಿದ್ದರು.