ಹೊಸದಿಲ್ಲಿ : ಚಲಿಸುವ ಬಸ್ಸಿನಲ್ಲಿ ಕಾಮೋದ್ರಿಕ್ತ ತರುಣನೊಬ್ಬ ಹುಡುಗಿಯೋರ್ವಳ ಮುಂದೆ ಹಸ್ತಮೈಥುನ ಮಾಡಿಕೊಂಡಿರುವ ಘಟನೆ ವರದಿಯಾಗಿದೆ. ಪೊಲೀಸರು ಆತನನ್ನು ಬಂಧಿಸಿದ್ದಾರೆ.
ಹುಡುಗಿಯು ಬಸ್ಸಿನಲ್ಲಿ ಕಪಶೇಡಾದಿಂದ ವಸಂತ್‌ ಕುಂಜ್‌ ಗೆ ಪ್ರಯಾಣಿಸುತ್ತಿದ್ದಳು. ಮಹಿಳೆಯರ ಸಾಲಿನ ಆಸನದಲ್ಲಿ ಕುಳಿತಿದ್ದ ತನ್ನ ಮುಂದೆಯೇ ಆರೋಪಿ ತರುಣ ನಿರ್ಲಜ್ಜನಾಗಿ ಹಸ್ತಮೈಥುನ ಮಾಡಿಕೊಂಡ ಎಂದು ಹುಡುಗಿಯ ಪೊಲೀಸರಿಗೆ ನೀಡಿರುವ ದೂರಿನಲ್ಲಿ ಹೇಳಿದ್ದಾಳೆ.
“ನಾನು ಸಿಟ್ಟಿನಿಂದ ಗದರಿಸಿದ ಹೊರತಾಗಿಯೂ ಆತ ತನ್ನ ಕೃತ್ಯ ಮುಂದುವರಿಸಿದ; ಆಗ ನಾನು ಆತನಿಗೆ ಎರಡು ಬಾರಿಸಿದೆ’ ಎಂದು ಹುಡುಗಿಯು ಹೇಳಿದ್ದಾಳೆ.
“ಇಷ್ಟೆಲ್ಲ ನಡೆದರೂ ಬಸ್ಸಿನಲ್ಲಿದ್ದ ಯಾರೂ ನನ್ನ ನೆರವಿಗೆ ಬರಲಿಲ್ಲ; ನಾನು ಆರೋಪಿ ತರುಣನನ್ನು ಹೊಡೆದಾಗಲೂ ಯಾರೂ ಕೂಡ ಏಕೆ, ಏನು ಎಂದು ಪ್ರಶ್ನಿಸಲಿಲ್ಲ. ಎಲ್ಲವನ್ನೂ ನಾನು ಮಾಡಬೇಕಾಯಿತು” ಎಂದು ಹುಡುಗಿ ಹೇಳಿದ್ದಾಳೆ.
ಪೊಲೀಸರು ಕೇಸು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ ಎಂದು ಹುಡುಗಿ ಹೇಳಿದ್ದಾಳೆ.
