ಮೀನು ಹಿಡಿಯಲು ಹೋದ ಶಿರಾಡಿ ಗ್ರಾಮದ ಯುವಕ ನೀರು ಪಾಲು

ಉಪ್ಪಿನಂಗಡಿ: ಸ್ನೇಹಿತರ ಜೊತೆಗೂಡಿ ಮೀನು ಹಿಡಿಯಲು ಹೊಳೆಗೆ ಹೋಗಿದ್ದ ಯುವಕನೋರ್ವ ಕಾಲು ಜಾರಿ ನೀರು ಪಾಲಾಗಿದ ಘಟನೆ ಶಿರಾಡಿ ಗ್ರಾಮದ ಬಡ್ಚಿನ ಹಳ್ಳದಲ್ಲಿ ನಡೆದಿದೆ.

ಶಿರಾಡಿ ಗ್ರಾಮದ ಬಾಗಿಲಗದ್ದೆ ನಿವಾಸಿ ಹರೀಶ್ (26 ವರ್ಷ) ನೀರುಪಾಲಾಗಿ ಸಾವನ್ನಪ್ಪಿದ ವ್ಯಕ್ತಿ.

ಶುಕ್ರವಾರ ಮಧ್ಯಾಹ್ನ ಹರೀಶ್ ಸ್ನೇಹಿತರ ಜೊತೆಗೂಡಿ ಗುಂಡ್ಯ ಹೊಳೆಯಲ್ಲಿ ಮೀನು ಹಿಡಿಯಲು ತೆರಳಿದ್ದರು ಎನ್ನಲಾಗಿದೆ. ಮೀನು ಹಿಡಿದು ಹಿಂತಿರುಗುವ ಸಮಯದಲ್ಲಿ ಕಾಲು ಜಾರಿ ನೀರು ಪಾಲಾಗಿದ್ದಾರೆ ಎಂದು ವರದಿಯಾಗಿದೆ.

ನೆಲ್ಯಾಡಿ ಹೊರ ಠಾಣೆ ಪೊಲೀಸರು, ಅಗ್ನಿ ಶಾಮಕ ದಳ ಸಿಬ್ಬಂದಿ ಮತ್ತು ಸ್ಥಳಿಯರು ಹುಡುಕಾಟ ನಡೆಸಿದರು.