ಯಳ್ಳೂರ-ವಡಗಾವಿ ರಸ್ತೆ ಪ್ರದೇಶ ಸೀಲ್‌ಡೌನ್‌

ಸಾಂಬ್ರಾ: ಯಳ್ಳೂರ – ವಡಗಾಂವಿ ರಸ್ತೆ ನಿವಾಸಿ ಮಹಿಳೆಗೆ ಕೋವಿಡ್ ಸೋಂಕು ದೃಢಪಟ್ಟ ಹಿನ್ನೆಲೆ ಸೋಂಕಿತೆಯ ಮನೆಯ ಸುತ್ತಲಿನ ಪ್ರದೇಶವನ್ನು ಸೀಲ್‌ಡೌನ್‌ ಮಾಡಲಾಗಿದೆ.

ಶುಕ್ರವಾರ ರಾಜ್ಯ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಹೊರಡಿಸಿದ ಹೆಲ್ತ್‌ ಬುಲೆಟಿನ್‌ಲ್ಲಿ ಯಳ್ಳೂರ – ವಡಗಾಂವಿ ರಸ್ತೆಯಲ್ಲಿರುವ 32 ವರ್ಷದ ಮಹಿಳೆಗೆ ಸೋಂಕು ಇರುವುದು ದೃಢವಾಗಿತ್ತು. ಹೀಗಾಗಿ ಶನಿವಾರ ಸೋಂಕಿತೆಯ ಮನೆಯ ಸುತ್ತಲಿನ ಯಳ್ಳೂರ ಕ್ರಾಸ್‌, ಮಹಾತ್ಮಾ ಫುಲೆ ಓಣಿ ಪ್ರದೇಶವನ್ನು ಜಿಲ್ಲಾಡಳಿತ ಸೀಲ್‌ಡೌನ್‌ ಮಾಡಿದೆ. ಇನ್ನು ಈ ಭಾಗದಲ್ಲಿ ಯಾರೂ ಕೂಡ ಮನೆ ಬಿಟ್ಟು ಹೊರ ಬರದಂತೆ ಕಟ್ಟುನಿಟ್ಟಿನ ಕ್ರಮಗಳನ್ನು ಕೈಗೊಳ್ಳಲಾಗಿದೆ. ಇನ್ನು ಸೋಂಕಿತ ಮಹಿಳೆಯ ಕುಟುಂಬಸ್ಥರನ್ನು ಕೂಡ ಕೋವಿಡ್‌ ಐಸೋಲೇಶನ್‌ ವಾರ್ಡ್‌ಗೆ ಆರೋಗ್ಯ ಇಲಾಖೆ ಸಿಬ್ಬಂದಿ ರವಾನಿಸಿದ್ದಾರೆ. ಅದೇ ರೀತಿ ಸೋಂಕಿತೆಯ ಜೊತೆ ಸಂಪರ್ಕ ಹೊಂದಿದವರಿಗೆ ಕ್ವಾರಂಟೈನ್‌ ಮಾಡಲಾಗಿದೆ.