ಕಾನೂನು ನೆರವು ತಿರಸ್ಕರಿಸಿದ ಯಾಸಿನ್‌ ಮಲಿಕ್‌

ಜಮ್ಮು: ಐಎಎಫ್ ನ ನಾಲ್ವರು ಹಿರಿಯ ಅಧಿಕಾರಿಗಳನ್ನು ಹತ್ಯೆ ಮಾಡಿದ ಆರೋಪಕ್ಕೆ ಸಂಬಂಧಿಸಿದಂತೆ ಜೈಲಲ್ಲಿ ಇರುವ ಕಾಶ್ಮೀರದ ಪ್ರತ್ಯೇಕತಾವಾದಿ ನಾಯಕ ಯಾಸಿನ್‌ ಮಲಿಕ್‌ ತನಗೆ ನೀಡಲಾಗಿರುವ ಕಾನೂನು ನೆರವು ತಿರಸ್ಕರಿಸಿದ್ದಾನೆ.

ಜತೆಗೆ ಖುದ್ದಾಗಿಯೇ ಕೋರ್ಟ್‌ ಹಾಲ್‌ನಲ್ಲಿ ವಿಚಾರಣೆ ನಡೆಯಬೇಕು ಎಂದು ಪಟ್ಟುಹಿಡಿದಿದ್ದಾನೆ.

1990ರಲ್ಲಿ ಐಎಎಫ್ ನ ನಾಲ್ವರು ಹಿರಿಯ ಅಧಿಕಾರಿಗಳನ್ನು ಹತ್ಯೆ ಮಾಡಿದ ಆರೋಪ ಆತನ ಮೇಲೆ ಇದೆ. ಉಗ್ರಗಾಮಿಗಳಿಗೆ ವಿತ್ತೀಯ ನೆರವು ನೀಡಿದ ಆರೋಪಕ್ಕೆ ಸಂಬಂಧಿಸಿದಂತೆ ನವದೆಹಲಿಯ ತಿಹಾರ್‌ ಜೈಲಿನಲ್ಲಿ ಜೀವಾವಧಿ ಶಿಕ್ಷೆ ಅನುಭವಿಸುತ್ತಿದ್ದಾನೆ.