ಯಶವಂತಪುರ:ನಡುರಾತ್ರಿ ಗ್ಯಾಂಗ್‌ರೇಪ್‌ ಯತ್ನ ವಿಫ‌ಲ 

ಬೆಂಗಳೂರು: ನಗರದ ಯಶವಂತಪುರದ ರೈಲ್ವೇ ನಿಲ್ದಾಣದ ಬಳಿ ಯುವತಿಯೊಬ್ಬಳನ್ನು ಅಪಹರಿಸಿ ಗ್ಯಾಂಗ್‌ರೇಪ್‌ ಎಸಗಲು ಯತ್ನಿಸಿದ ಆತಂಕಕಾರಿ ಘಟನೆ ಶುಕ್ರವಾರ ನಸುಕಿನ 1.30 ರ ವೇಳೆ ನಡೆದಿದೆ. 

ಏನಿದು ಘಟನೆ ?

ಚಿತ್ರದುರ್ಗ ಮೂಲದ ಯುವತಿ ತನ್ನ ಸಹೋದರ ಸಂಬಂಧಿಯೊಂದಿಗೆ ಸಂಬಂಧಿಕರ ಮೆನೆಗೆಂದು ಬಂದಿದ್ದು, ಮನೆ ಸಿಗದೆ ನಡುರಾತ್ರಿಯೆ ಊರಿಗೆ ವಾಪಸಾಗುವುದಕ್ಕಾಗಿ ರೈಲು ನಿಲ್ದಾಣಕ್ಕೆ ಬರುತ್ತಿದ್ದರು. ಈ ವೇಳೆ ಸ್ಥಳಕ್ಕಾಮಿಸಿದ ಮೂವರು ಕಾಮುಕರು ಜೊತೆಯಲ್ಲಿದ್ದ ಯುವಕನನ್ನು ಥಳಿಸಿ ಯುವತಿಯನ್ನು ಅಪಹರಿಸಿದ್ದಾರೆ. 

ಘಟನೆ ವೇಳೆ ಸ್ಥಳದಲ್ಲಿದ್ದ ಆಟೋ ಚಾಲಕರೊಬ್ಬರು ಕೂಡಲೇ ಪೊಲೀಸರಿಗೆ ಕರೆ ಮಾಡಿದ್ದಾರೆ. ತಕ್ಷಣ ಯಶವಂತಪುರ ಠಾಣಾ ಪೊಲೀಸರು ಕಾರ್ಯಾಚರಣೆಗಿಳಿದಿದ್ದಾರೆ. 

ಪೊಲೀಸರ ಕಾರ್ಯಾಚರಣೆ ವೇಳೆ ಗೋಡೌನ್‌ ಒಂದರಲ್ಲಿ ಯುವತಿಯ ಮೇಲೆ ಗ್ಯಾಂಗ್‌ ರೇಪ್‌ ನಡೆಸಲು ಸಿದ್ದರಾಗಿದ್ದರು. ಈ ವೇಳೆ ಓರ್ವ ಕಾಮುಕನನ್ನು ಸ್ಥಳದಲ್ಲೇ ಪೊಲೀಸರು ವಶಕ್ಕೆ ಪಡೆಯುವಲ್ಲಿ ಯಶಸ್ವಿಯಾದರು.

ಬಂಧಿತ ಫ‌ಯಾಜ್‌ ಎಂಬಾತನಾಗಿದ್ದು, ಪರಾರಿಯಾಗಿರುವ ಝಬೇರ್‌ ಮತ್ತು ಪತಾಕಿ ಬಾಬು ಎನ್ನುವ ಆರೋಪಿಗಳಿಗಾಗಿ ಶೋಧ ನಡೆಸುತ್ತಿದ್ದಾರೆ.