Advertisement

ಯಶ್‌ ಜಗತ್ತು ಆಳೋ ಹುಡುಗಿ ಇವಳು …

09:13 AM May 10, 2019 | Lakshmi GovindaRaj |

ಯಶ್‌ ಮಗಳು ಹೇಗಿದ್ದಾಳೆ, ರಾಧಿಕಾ ತರಹ ಇರಬಹುದೋ ಅಥವಾ ಯಶ್‌ ತರಹನೋ … ಯಶ್‌ಗೆ ಮಗಳು ಹುಟ್ಟಿದ ದಿನದಿಂದಲೂ ಅಭಿಮಾನಿಗಳಲ್ಲಿ ಇಂತಹದ್ದೊಂದು ಕುತೂಹಲ ಇದ್ದೇ ಇತ್ತು. ಅಭಿಮಾನಿಗಳಂತೂ ಮಗಳ ಫೋಟೋ ತೋರಿಸುವಂತೆ ಯಶ್‌ ಅವರನ್ನು ಕೇಳಿಕೊಳ್ಳುತ್ತಲೇ ಇದ್ದರು.

Advertisement

ಅದಕ್ಕೆ ಯಶ್‌, “ಸಮಯ ಬಂದಾಗ ನಾನೇ ತೋರಿಸುತ್ತೇನೆ’ ಎನ್ನುತ್ತಲೇ ಬಂದಿದ್ದರು. ಈಗ ಆ ಸಮಯ ಬಂದಿದೆ. ಮಂಗಳವಾರ ಅಕ್ಷಯ ತೃತೀಯ ದಿನ ಯಶ್‌ ತಮ್ಮ ಮಗಳ ಫೋಟೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಅಪ್‌ಲೋಡ್‌ ಮಾಡುವ ಮೂಲಕ ಅಭಿಮಾನಿಗಳ ಕುತೂಹಲ ತಣಿಸಿದ್ದಾರೆ.

“ನನ್ನ ಜಗತ್ತನ್ನು ಆಳೋ ಹುಡುಗಿ ಇವಳು ನಿಮ್ಮ ಮುಂದೆ … ಆಕೆಗೆ ಇನ್ನು ಹೆಸರಿಟ್ಟಿಲ್ಲ. ಹಾಗಾಗಿ ಬೇಬಿ “ವೈಆರ್‌’ ಎಂದು ಕರೆಯೋಣ … ನಿಮ್ಮ ಪ್ರೀತಿ, ಆರೈಕೆ ಆಕೆಯ ಮೇಲೂ ಇರಲಿ…’ ಎಂದು ಟ್ವೀಟ್‌ ಮಾಡಿದ್ದಾರೆ.

Advertisement

ಯಶ್‌ ತಮ್ಮ ಮಗಳ ಫೋಟೋ ಅಪ್‌ಲೋಡ್‌ ಮಾಡುತ್ತಿದ್ದಂತೆ ಅಭಿಮಾನಿಗಳು ಖುಷಿಯಿಂದ ರೀಟ್ವೀಟ್‌, ಶೇರ್‌ ಮಾಡುತ್ತಾ ತಮ್ಮ ಸಂತಸ ಹಂಚಿಕೊಂಡಿದ್ದಾರೆ. “ಕೆಜಿಎಫ್’ ಯಶಸ್ಸಿನ ಬಳಿಕ ಸ್ವಲ್ಪ ದಿನ ಬಿಡುವಿನಲ್ಲಿದ್ದ ಯಶ್‌ ಈಗ “ಕೆಜಿಎಫ್ ಚಾಪ್ಟರ್‌-2’ಗೆ ರೆಡಿಯಾಗಿದ್ದಾರೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next