ಯಲ್ಲಾಪುರ:ಭಾರೀ ಗಾತ್ರದ ಹೊಂಡ ಮುಚ್ಚಿದ ಹಾಲಿ, ಮಾಜಿ ಜನಪ್ರತಿನಿಧಿಗಳು

ಯಲ್ಲಾಪುರ: ತಾಲೂಕಿನ ಚಂದ್ಗುಳಿ ಪಂಚಾಯತ್ ವ್ಯಾಪ್ತಿಯಲ್ಲಿ ಬರುವ ಮಳಲಗಾಂವ್ ದಿಂದ ಚಂದ್ಗುಳಿ ದೇವಸ್ಥಾನ ಮತ್ತು ಮಾಗೋಡ ಜಲಪಾತಕ್ಕೆ ಹೋಗುವ ರಸ್ತೆಯಲ್ಲಿ ಸೇತುವೆ ಬುಡದಲ್ಲಿ ಅಪಾಯಕಾರಿ ಸ್ಥಿತಿಯಲ್ಲಿದ್ದ ಭಾರೀ ಗಾತ್ರದ ಹೊಂಡವನ್ನು ಹಾಲಿ ಹಾಗೂ ಮಾಜಿ ಜನಪ್ರತಿನಿಧಿಗಳಿಬ್ಬರು ಸೇರಿ ಮುಚ್ಚುವ ಮೂಲಕ ಮಾದರಿಯಾಗಿದ್ದಾರೆ.

ಈ ವರ್ಷವಷ್ಟೇ ಈ ರಸ್ತೆ ಮಾಡಲಾಗಿದ್ದರೂ ಸೇತುವ ಬಳಿ ಭಾರೀ ಗಾತ್ರದ ಹೊಂಡವಾಗಿತ್ತು.ಹೊಂಡದಲ್ಲಿ ಬಿದ್ದೆದ್ದರೆ ಮುಂದೆ ನಿಯಂತ್ರಣ ತಪ್ಪಿ ಹಳ್ಳದಲ್ಲಿ ಬೀಳುವ ಸ್ಥಿತಿಯಿತ್ತು. ಇದನ್ನು ಈ ಭಾಗದ ಗ್ರಾ .ಪಂ.ಸದಸ್ಯ ಸುಬ್ಬಣ್ಣ ಉದ್ದಾಬೈಲ್,ಹಾಗೂ ತಾ.ಪಂ ನ ಮಾಜಿ ಸದಸ್ಯ ನಾಗರಾಜ ಕವಡಿಕೆರೆ ಸರಿಪಡಿಸಿ ಜನರಿಗಾಗುವ ತೊಂದರೆಯನ್ನು ಸದ್ಯ ಮುಕ್ತಗೊಳಿಸಿದ್ದಾರೆ.

ಈ ಹೊಂಡದ ಬಗ್ಗೆ ವ್ಯಾಪಕ ದೂರುಗಳು ಬಂದಿತ್ತು.ಸಂಬಂದಪಟ್ಟ ಇಲಾಖೆ ಗೆ ಕೂಡ ತಿಳಿಸಲಾಗಿತ್ತು. ಗ್ರಾ.ಪಂ ವಾರ್ಡ್ ಸಭೆ ಮತ್ತು ಗ್ರಾಮಸಭೆಗಳಲ್ಲಿ ವ್ಯಾಪಕವಾಗಿ ಜನರ ದೂರು ಕೇಳಿಬಂದಿತ್ತು.ಈಗ ತಾತ್ಕಾಲಿಕ ಮುಕ್ತಿ ದೊರೆತಿದೆ.