ಸಿದ್ದಾಪುರ: ಈ ನೆಲದ ಶ್ರೇಷ್ಠ ಕಲೆ ಯಕ್ಷಗಾನ ಮತ್ತು ತಾಳಮದ್ದಳೆ. ಅದರ ದಾಖಲೀಕರಣ ಕಾರ್ಯ ಅತ್ಯಂತ ಅಗತ್ಯವಾದದ್ದು ಎಂದು ಟಿಎಂಎಸ್‌ ಅಧ್ಯಕ್ಷ ಆರ್‌.ಎಂ ಹೆಗಡೆ ಬಾಳೇಸರ ಹೇಳಿದರು.
ಅವರು ಸ್ಥಳೀಯ ಅನಂತ ಯಕ್ಷ ಕಲಾ ಪ್ರತಿಷ್ಠಾನ ಪಟ್ಟಣದ ಶಂಕರ ಮಠದಲ್ಲಿ ಹಮ್ಮಿಕೊಂಡ ಮಹಾ ಬ್ರಾಹ್ಮಣ ಯಕ್ಷಗಾನ ದಾಖಲಿಕರಣ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಮಾತನಾಡಿದರು. ಯಕ್ಷಗಾನ ಎಲ್ಲ ರಸಗಳನ್ನು
ಒಳಗೊಂಡಿರುವಂತದ್ದು. ಬದಲಾವಣೆ ಅನಿವಾರ್ಯವಾಗಿದ್ದು ಅದು ಬೆಳವಣಿಗೆಗೆ ಪೂರಕವಾಗಿರಬೇಕು. ಹಿಂದಿನ ಯಕ್ಷಗಾನಪ್ರದರ್ಶನಗಳು ಇಂದಿಗೂ ಜನಮಾನಸದಲ್ಲಿ ಉಳಿದುಕೊಂಡು ಬಂದಿದೆ. ಇಂದಿನ ಯಕ್ಷಗಾನ
ತಾಳಮದ್ದಳೆಗಳಂತೆ ಈ ಹಿಂದೆ ರಚಿತವಾದ ಸಾವಿರಾರು ಪೌರಾಣಿಕ ಪ್ರಸಂಗಗಳ ದಾಖಲಿಕರಣವಾಗಬೇಕು. ಇದರಿಂದ ಹೊಸ ಪಿಳಿಗೆಗೆ ಯಕ್ಷಗಾನದ ಕುರಿತುಪರಿಚಯಿಸಲು ಸಾಧ್ಯ. ಇದಕ್ಕೆ ಸಮಾಜದ ಪ್ರೋತ್ಸಾಹ ಅಗತ್ಯ ಎಂದರು.
ಕಾರ್ಯಕ್ರಮ ಉದ್ಘಾಟಿಸಿದ ಶಂಕರ ಮಠದ ಧರ್ಮಾಧೀಕಾರಿ ವಿಜಯ ಹೆಗಡೆ ದೊಡ್ಮನೆ ಮಾತನಾಡಿ, ಕೋವಿಡ್-19 ಕಾರಣಗಳಿಂದ ಸಾಂಸ್ಕೃತಿಕ ಕ್ಷೇತ್ರಕ್ಕೆ ಸಾಕಷ್ಟು ಧಕ್ಕೆಯಾಗಿದೆ. ವಿಶೇಷಕಲೆಯಾದ ಯಕ್ಷಗಾನ ಕ್ಷೇತ್ರದಲ್ಲಿ ಸಾಕಷ್ಟು ಕಲಾವಿದರು ಪರಿಣಿತರಾಗಿದ್ದಾರೆ. ಹಾಗೆ ಪ್ರೇಕ್ಷಕರುಹೆಚ್ಚಿದ್ದಾರೆ. ಕರ್ನಾಟಕ ಯಕ್ಷಗಾನ ಅಕಾಡಮಿ ತರಬೇತಿಗೆ ಹೆಚ್ಚು ಗಮನಕೊಟ್ಟಿದ್ದರಿಂದ ಯಕ್ಷಗಾನಕ್ಕೆಹೆಚ್ಚು ಪ್ರಯೋಜನವಾಗಿದೆ. ಮೊದಲಿನಂತೆ ಸಾಂಸ್ಕೃತಿಕ ಚಟುವಟಿಕೆ ಬೆಳೆಯಬೇಕು ಎಂದರು. ಮುಖ್ಯ ಅತಿಥಿ, ಉದ್ಯಮಿ ಎಂ.ಎಲ್‌. ಭಟ್ಟ ಸಾಗರ ಮಾತನಾಡಿ, ಸಾಂಸ್ಕೃತಿಕ ಕ್ರಿಯೆಗಳು ಸ್ಥಬ್ಧವಾಗಿದ್ದ ಶೋಚನಿಯ ಸ್ಥಿತಿಯನ್ನು ಎದುರಿಸಿ ಇತ್ತೀಚೆಗೆ ಸರಕಾರದ ಆದೇಶದ ಅನುಸಾರ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗುತ್ತಿದೆ. ಯಕ್ಷಗಾನ ಸಂಕ್ರಮಣ ಘಟ್ಟವನ್ನು ದಾಟಿ ಹೆಚ್ಚು ಗಟ್ಟಿಯಾಗುತ್ತಾ ಬಂದಿದೆ. ಕೋವಿಡ್ ಬಗ್ಗೆ ಜಾಗೃತಿ ಇಟ್ಟುಕೊಂಡೆ ಪ್ರದರ್ಶನಕ್ಕೆ ಮುಂದುವರೆಯಬೇಕಿದೆ ಎಂದರು.
ಮುಖ್ಯ ಅಥಿತಿ ಪತ್ರಕರ್ತ ರಮೇಶ ಹೆಗಡೆ ಹಾರ್ಸಿಮನೆ, ಮಾತನಾಡಿ ಯಕ್ಷಗಾನ ಕಲೆಯನ್ನು ಸಾಮಾಜಿಕ ಜಾಲತಾಣದಲ್ಲಿ ವೀಕ್ಷಣೆಗೆ ಅವಕಾಶ ಕಲ್ಪಿಸಿಕೊಡುವುದು ಅತ್ಯುತ್ತಮ ಕಾರ್ಯ. ಯಕ್ಷಗಾನ ಮೊದಲಿನಂತೆ ಎಲ್ಲಡೆ ಪ್ರದರ್ಶಿತಗೊಳ್ಳಬೇಕು ಎಂದರು.
ಅನಂತ ಯಕ್ಷಕಲಾ ಪ್ರತಿಷ್ಠಾನದ ಸಂಚಾಲಕ ಕೇಶವ ಹೆಗಡೆ ಕೊಳಗಿ ಸ್ವಾಗತಿಸಿದರು. ಪತ್ರಕರ್ತ ಜಿ.ಕೆ. ಭಟ್ಟ ಕಶಿಗೆ ವಂದಿಸಿದರು. ಗಣಪತಿ ಹೆಗಡೆ ಗುಂಜಗೊಡ ನಿರೂಪಿಸಿದರು. ನಂತರ ಮಹಾಬ್ರಾಹ್ಮಣ ಯಕ್ಷಗಾನ ದಾಖಲೀಕರಣ ನಡೆಯಿತು.
