Advertisement

“ಯಕ್ಷಗಾನಕಲೆ ಮಕ್ಕಳ ಸರ್ವಾಂಗೀಣ ಬೆಳವಣಿಗೆಗೆ ಸಹಕಾರಿ’

11:42 PM Apr 14, 2019 | Team Udayavani |

ಕೋಟ: ಯಕ್ಷಗಾನ ಕಲೆಯ ಮೂಲಕ ಶರೀರಕ್ಕೆ ವ್ಯಾಯಾಮ, ಬೌದ್ಧಿಕ ವಿಕಾಸ, ಪುರಾಣ ಜ್ಞಾನ, ಸಭಾಕಂಪನ ಮರೆತು ನಿರರ್ಗಳವಾಗಿ ಮಾತನಾಡುವ ಕಲೆ ಲಭ್ಯವಾಗುತ್ತದೆ. ಆದ್ದರಿಂದ ಯಕ್ಷಗಾನ ಕಲೆಯಿಂದ ಮಕ್ಕಳ ಸರ್ವಾಂಗೀಣ ಬೆಳವಣಿಗೆ ಸಾಧ್ಯ ಎಂದು ಗೀತಾನಂದ ಫೌಂಡೇಶನ್‌ನ ಪ್ರವರ್ತಕ ಆನಂದ ಸಿ.ಕುಂದರ್‌ ಹೇಳಿದರು.

Advertisement

ಅವರು ಯಕ್ಷಗಾನ ತರಬೇತಿ ಕೇಂದ್ರ ಶ್ರೀ ಶಾಂಭವೀ ಶಾಲೆ ಗಿಳಿಯಾರು, ಯಕ್ಷಾಂತರಂಗ ಮಣೂರು-ಕೋಟ, ಎಂ.ಎನ್‌. ಅಶ್ವಿ‌ನಿ ಮಧ್ಯಸ್ಥ ಸ್ಮಾರಕ ಶೈಕ್ಷಣಿಕ, ಸಾಂಸ್ಕೃತಿಕ ಕೇಂದ್ರ ಮಣೂರು ಆಶ್ರಯದಲ್ಲಿ ಎ.14ರಂದು ಕೋಟ ಶಾಂಭವೀ ಶಾಲೆ ಮೈದಾನದಲ್ಲಿ ನಡೆದ ಯಕ್ಷಮಹೋತ್ಸವ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು.

ಸಂಸ್ಥೆಯ ಉಪಾಧ್ಯಕ್ಷ ವಿ.ಆರ್‌.ಹಂದೆ ಅಧ್ಯಕ್ಷತೆ ವಹಿಸಿದ್ದರು. ಈ ಸಂದರ್ಭದಲ್ಲಿ ಕೇಂದ್ರದ ಗುರು ಕೃಷ್ಣಮೂರ್ತಿ ಉರಾಳ ಅವರನ್ನು ಸಮ್ಮಾನಿಸಲಾಯಿತು. ಕೋಟ ವಿವೇಕ ಆಂಗ್ಲಮಾಧ್ಯಮ ಶಾಲೆಯ ಮುಖ್ಯ ಶಿಕ್ಷಕ ಶ್ರೀಪತಿ ಹೇಳೆì, ಶಾಂಭವೀ ಶಾಲೆಯ ಜಿ.ಯು. ದಿವಾಕರ್‌ ರಾವ್‌ ಉಪಸ್ಥಿತರಿದ್ದರು.

ಕೇಂದ್ರದ ಖಜಾಂಚಿ ಉಪೇಂದ್ರ ಸೋಮಯಾಜಿ ಸ್ವಾಗತಿಸಿ, ಜತೆ ಕಾರ್ಯದರ್ಶಿ ಕೆ.ರಾಜಾರಾಮ್‌ ಐತಾಳ್‌ ನಿರೂಪಿಸಿದರು.

Advertisement

Udayavani is now on Telegram. Click here to join our channel and stay updated with the latest news.

Next