ಇಂದು ತಿಂಗಳೆಗೆ ಯದುವೀರ ಒಡೆಯರ್‌ 

ಹೆಬ್ರಿ: ತಿಂಗಳೆ ನೇಮೋತ್ಸವ, ಸಾಹಿತ್ಯೋತ್ಸವ ಮತ್ತು “ತಿಂಗಳೆ’ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ಮೈಸೂರು ಸಂಸ್ಥಾನದ ಮಹಾರಾಜ ಯದುವೀರ ಕೃಷ್ಣದತ್ತ ಚಾಮರಾಜ ಒಡೆಯರ್‌ ಮಾ. 8ರಂದು ಹೆಬ್ರಿ ಸಮೀಪದ ತಿಂಗಳೆಗೆ ಪಾಲ್ಗೊಳ್ಳುವರು. 

ಮಹಾರಾಜರನ್ನು ಸಂಜೆ 5 ಗಂಟೆಗೆ ಹೆಬ್ರಿಯಲ್ಲಿ ಪೂರ್ಣಕುಂಭ ಸಹಿತ ಸಾಂಪ್ರದಾಯಿಕವಾಗಿ ಸ್ವಾಗತಿಸಿ ಬೃಹತ್‌ ವಾಹನ ಜಾಥಾದ ಮೂಲಕ ತಿಂಗಳೆ ಗರಡಿಗೆ ಕರೆದೊಯ್ಯಲಾಗುವುದು. ಅಲ್ಲಿ ಸಾಹಿತ್ಯೋತ್ಸವದ 57ನೇ ಅಧಿವೇಶನ ನಡೆಯಲಿದೆ.  ಡಾ| ಬನ್ನಂಜೆ ಗೋವಿಂದಾ ಚಾರ್ಯರು ಮತ್ತು ಚಿಂತಕಿ ಡಾ| ವೀಣಾ ಬನ್ನಂಜೆಯವರ ಪ್ರವಚನದ ಬಳಿಕ ಡಾ|ಎಂ.ಮೋಹನ ಆಳ್ವರಿಗೆ ಪ್ರಶಸ್ತಿ ಪ್ರದಾನ ಮಾಡಲಾಗುವುದು ಎಂದು ತಿಂಗಳೆ ಪ್ರತಿಷ್ಠಾನದ ಅಧ್ಯಕ್ಷ ತಿಂಗಳೆ ವಿಕ್ರಮಾರ್ಜುನ ಹೆಗ್ಡೆ ತಿಳಿಸಿದ್ದಾರೆ.