ಎರ‌ಡು ಬಾರಿ ಸರ್ವೇ: ರೈತ ತಬ್ಬಿಬ್ಬು

ಯಾದಗಿರಿ: ಜಿಲ್ಲೆಯ ಗುರುಮಠಕಲ್ ತಾಲೂಕಿನ ಧರಂಪುರ ಗ್ರಾಮದ ಹೊಲದ ಸರ್ವೇ ಮಾಡಲು ನಿಯುಕ್ತಿಗೊಂಡ ಅಧಿಕಾರಿ ಬದಲಿಗೆ ಬೇರೊಬ್ಬ ಅಧಿಕಾರಿ ಸರ್ವೇ ಮಾಡಿ 12 ಸಾವಿರ ರೂ. ರೈತರಿಂದ ವಸೂಲಿ ಮಾಡಿಕೊಂಡು ಹೋಗಿದ್ದ ಕುರಿತು ಜಿಲ್ಲಾಡಳಿತಕ್ಕೆ ಗ್ರಾಮಸ್ಥರು ದೂರು ಸಲ್ಲಿಸಿದ ಮರುದಿನವೇ ಮತ್ತೂಮ್ಮೆ ಸರ್ವೇ ನಡೆದಿದೆ.

ಗ್ರಾಮದ ರೈತರು ಜಮೀನು ಅಳೆಯಲು ಈ ಹಿಂದೆಯೇ ಶುಲ್ಕವನ್ನು ಕಟ್ಟಿದ್ದರು. ಅಳತೆ ಮಾಡಬೇಕಿದ್ದ ಸಿಬ್ಬಂದಿ ಬದಲಿಗೆ ಬೇರೊಬ್ಬರು ಅಳೆದು ರೈತರಿಂದ ಹಣ ಪಡೆದಿರುವ ಕುರಿತು ಗ್ರಾಮಸ್ಥರು ಅಪರ ಜಿಲ್ಲಾಧಿಕಾರಿಗಳಿಗೆ ಶುಕ್ರವಾರ ದೂರು ನೀಡಿದ್ದರು.

ದೂರು ನೀಡಿದ ಮರುದಿನವೇ ಮತ್ತಿಬ್ಬರು ಸಿಬ್ಬಂದಿ ಬೆಳಗ್ಗೆ ಗ್ರಾಮಕ್ಕೆ ಭೇಟಿ ನೀಡಿ ಹೊಲ ಅಳೆದುಕೊಡುತ್ತೇವೆ ಎಂದು ಬಂದಿದ್ದು ರೈತ ಸಣ್ಣ ಹಣಮಂತ ಮತ್ತು ಶಂಕ್ರಪ್ಪರನ್ನು ತಬ್ಬಿಬ್ಟಾಗುವಂತೆ ಮಾಡಿತು. ಬಳಿಕ ಅಧಿಕಾರಿಗಳು ಸಮಜಾಯಿಸಿ ನೀಡಿ ಹೊಲವನ್ನು ಅಳೆದರು ಎಂದು ಗ್ರಾಮಸ್ಥರು ಮಾಹಿತಿ ನೀಡಿದ್ದಾರೆ.