Yadagiri: ಮನೆ ಮೇಲೆ ಗಾಂಜಾ ಗಿಡ ಬೆಳೆದ ವ್ಯಕ್ತಿ ಬಂಧನ

ಯಾದಗಿರಿ: ಮನೆಯ ಮೇಲ್ಛಾವಣಿ ಮೇಲೆ ಗಾಂಜಾ ಬೆಳೆಯುತ್ತಿದ್ದ ಖಚಿತ ಮಾಹಿತಿ ಮೇರೆಗೆ ಯಾದಗಿರಿ ನಗರದ ಪೊಲೀಸರು ಗುರುವಾರ (ನ.14) ದಾಳಿ ನಡೆಸಿ ಹಸಿ ಗಾಂಜಾ ಸಹಿತ ಆರೋಪಿಯನ್ನು‌ ಬಂಧಿಸಿದ್ದಾರೆ

ಯಾದಗಿರಿ ಕೊಳಿವಾಡ ಬಡಾವಣೆಯಲ್ಲಿ ಯಾರಿಗೂ ಗೊತ್ತಾಗದಂತೆ ಬಕೆಟ್ ನಲ್ಲಿ ಗಾಂಜಾ ಬೆಳೆಯುತ್ತಿದ್ದ ಸಕ್ರೇಪ್ಪ ಎಂಬ ವ್ಯಕ್ತಿ ಈಗ ಪೊಲೀಸರ ಅತಿಥಿಯಾಗಿದ್ದಾನೆ.

ನಗರ ಠಾಣೆಯ ಪಿಎಸ್ ಐ ಮಂಜೇಗೌಡ ನೇತೃತ್ವದಲ್ಲಿ ದಾಳಿ ನಡೆಸಿ 450 ಗ್ರಾಂ ಹಸಿ ಗಾಂಜಾ ಜಪ್ತಿ ಮಾಡಲಾಗಿದ್ದು ಆರೋಪಿ ಸಕ್ರೇಪ್ಪನನ್ನು ವಶಕ್ಕೆ ಪಡೆದುಕೊಂಡಿದ್ದಾರೆ.

ಯಾದಗಿರಿ ನಗರ ಪೊಲೀಸ್ ಠಾಣೆಯಲ್ಲಿ ಕೇಸ್ ದಾಖಲಾಗಿದೆ ಎಂದು ಪಿಎಸ್.ಐ ಮಂಜೇಗೌಡ ತಿಳಿಸಿದ್ದಾರೆ.