ಡಬ್ಲ್ಯುಟಿಎ ಫೈನಲ್ಸ್‌: ಮೊದಲ ಪ್ರಶಸ್ತಿ ಜಯಿಸಿದ ಬಾರ್ಟಿ

ಶೆಂಜೆನ್‌ (ಚೀನ): ವಿಶ್ವದ ನಂಬರ್‌ ವನ್‌ ಟೆನಿಸ್‌ ಆಟಗಾರ್ತಿ, ಆಸ್ಟ್ರೇಲಿಯದ ಆ್ಯಶ್ಲಿ ಬಾರ್ಟಿ ಮೊದಲ ಸಲ “ಡಬ್ಲ್ಯುಟಿಎ ಫೈನಲ್ಸ್‌’ ಕೂಟದ ಚಾಂಪಿಯನ್‌ ಆಗಿ ಮೂಡಿಬಂದಿದ್ದಾರೆ.

ರವಿವಾರ “ಶೆಂಜೆನ್‌ ಬೇ ನ್ಪೋರ್ಟ್ಸ್ ಸೆಂಟರ್‌’ನಲ್ಲಿ ನಡೆದ ಫೈನಲ್‌ನಲ್ಲಿ ಅವರು ಹಾಲಿ ಚಾಂಪಿಯನ್‌, ಉಕ್ರೇನಿನ ಎಲಿನಾ ಸ್ವಿಟೋಲಿನಾ ವಿರುದ್ಧ 6-4, 6-3 ನೇರ ಸೆಟ್‌ಗಳ ಜಯ ಸಾಧಿಸಿ “ಬಿಲ್ಲಿ ಜೀನ್‌ ಕಿಂಗ್‌ ಟ್ರೋಫಿ’ಯನ್ನು ತಮ್ಮದಾಗಿಸಿಕೊಂಡರು. ಒಂದು ಗಂಟೆ, 26 ನಿಮಿಷಗಳ ಕಾಲ ಇವರ ಹೋರಾಟ ಸಾಗಿತು.

ಈ ಗೆಲುವಿಗಾಗಿ ಆ್ಯಶ್ಲಿ ಬಾರ್ಟಿ 4.42 ಮಿಲಿಯನ್‌ ಡಾಲರ್‌ ಬಹುಮಾನವನ್ನು ತಮ್ಮದಾಗಿಸಿಕೊಂಡರು. ಇದು ಟೆನಿಸ್‌ ಕೂಟದ ಅತ್ಯಧಿಕ ಮೊತ್ತದ ಬಹುಮಾನವಾಗಿದೆ.

ವನಿತಾ ಡಬಲ್ಸ್‌ ಪ್ರಶಸ್ತಿ ಉಳಿಸಿಕೊಳ್ಳುವಲ್ಲಿ ಟೈಮಿಯಾ ಬಬೋಸ್‌ (ಹಂಗೇರಿ)-ಕ್ರಿಸ್ಟಿನಾ ಲಡೆನೋವಿಕ್‌ (ಫ್ರಾನ್ಸ್‌) ಯಶಸ್ವಿಯಾಗಿದ್ದಾರೆ. ಫೈನಲ್‌ನಲ್ಲಿ ಅವರು ಬಾಬೊìರಾ ಸ್ಟ್ರೈಕೋವಾ- ಶೀ ಸು ವೀ ವಿರುದ್ಧ 6-1, 6-3 ಅಂತರದ ಗೆಲುವು ಸಾಧಿಸಿದರು. ಫ್ರೆಂಚ್‌ ಓಪನ್‌ ಚಾಂಪಿಯನ್‌ ಕೂಡ ಆಗಿರುವ ಬಬೋಸ್‌-ಲಡೆನೋವಿಕ್‌ 2008ರ ಬಳಿಕ ಇಲ್ಲಿ ಟ್ರೋಫಿ ಉಳಿಸಿಕೊಂಡ ಮೊದಲ ಜೋಡಿಯಾಗಿದೆ.