Wrestler; ‘ಕರ್ತವ್ಯ ಪಥ’ದಲ್ಲಿ ಪ್ರಶಸ್ತಿ ಇರಿಸಿದ ವಿನೇಶ್‌ ಫೋಗಟ್‌

ಹೊಸದಿಲ್ಲಿ: ಕುಸ್ತಿಪಟು ವಿನೇಶ್‌ ಫೋಗಟ್‌ ತಮ್ಮ ಖೇಲ್‌ ರತ್ನ ಮತ್ತು ಅರ್ಜುನ ಪ್ರಶಸ್ತಿಗಳನ್ನು ಹಿಂದಿರುಗಿಸಿದರು. ಶನಿವಾರ ಈ ಎರಡೂ ಪ್ರಶಸ್ತಿಗಳನ್ನು ರಾಜಧಾನಿಯ ಪ್ರಧಾನಿ ಕಚೇರಿಗೆ ತೆಗೆದುಕೊಂಡು ಹೋಗಲು ನಿರ್ಧರಿಸಿದ್ದ ಅವರನ್ನು ಪೊಲೀಸರು ತಡೆದರು.

ಹೀಗಾಗಿ “ಕರ್ತವ್ಯ ಪಥ’ದಲ್ಲಿ ಇರಿಸಿ ವಾಪಸಾಗಬೇಕಾಯಿತು. ಬಳಿಕ ಈ ಪ್ರಶಸ್ತಿಗಳನ್ನು ಪೊಲೀಸರು ವಶಕ್ಕೆ ತೆಗೆದುಕೊಂಡರು. “ಕುಸ್ತಿಪಟುಗಳಿಗೆ ನ್ಯಾಯ ಮರೀಚಿಕೆಯಾಗಿರುವ ಈ ಹೊತ್ತಿನಲ್ಲಿ ಇಂಥ ಪ್ರಶಸ್ತಿಗಳನ್ನು ಇರಿಸಿಕೊಳ್ಳುವುದರಲ್ಲಿ ಅರ್ಥವಿಲ್ಲ. ಹೀಗಾಗಿ ನಾನು ಇದನ್ನು ವಾಪಸ್‌ ಮಾಡುತ್ತೇನೆ’ ಎಂಬುದಾಗಿ ವಿನೇಶ್‌ ಫೋಗಟ್‌ ಮಂಗಳವಾರ ಹೇಳಿದ್ದರು.