ಮಿಯಾಮಿ ಓಪನ್‌: ವೋಜ್ನಿಯಾಕಿ ಪತನ

ಮಿಯಾಮಿ: ಆಸ್ಟ್ರೇಲಿಯನ್‌ ಓಪನ್‌ ಚಾಂಪಿಯನ್‌ ಕ್ಯಾರೋಲಿನ್‌ ವೋಜ್ನಿಯಾಕಿ ಅವರು ಡಬ್ಲ್ಯುಟಿಎ ಮಿಯಾಮಿ ಓಪನ್‌ ಟೆನಿಸ್‌ ಕೂಟದಲ್ಲಿ ಆಘಾತಕಾರಿ ಸೋಲನ್ನು ಕಂಡು ಹೊರಬಿದ್ದಿದ್ದಾರೆ.

ಮೊನಿಕಾ ಪುಯಿಗ್‌ ವಿರುದ್ಧ ನಡೆದ ಪಂದ್ಯದ ಮೊದಲ ಸೆಟ್‌ ಅನ್ನು ಸುಲಭವಾಗಿ ಜಯಿಸಿದ್ದ 27ರ ಹರೆಯದ ವಿಶ್ವದ ಎರಡನೇ ರ್‍ಯಾಂಕಿನ ವೋಜ್ನಿಯಾಕಿ ಆಬಳಿಕ ಪಂದ್ಯದಲ್ಲಿ ಹಿಡಿತ ಕಳೆದುಕೊಂಡರು. ಅಂತಿಮವಾಗಿ 6-0, 4-6, 4-6 ಸೆಟ್‌ಗಳಿಂದ ಸೋತರು.

ರಿಯೋ ಒಲಿಂಪಿಕ್ಸ್‌ನಲ್ಲಿ ಚಿನ್ನ ಜಯಿಸಿದ್ದ ಪ್ಯುರ್ಟೊರಿಕೋದ ಪುಯಿಗ್‌ ದ್ವಿತೀಯ ಮತ್ತು ಮೂರನೇ ಸೆಟ್‌ನಲ್ಲಿ ಬಿರುಸಿನ  ಆಟವಾಡಿ ಪಂದ್ಯ ಗೆಲ್ಲಲು ಯಶಸ್ವಿಯಾದರು.