ಕೋವಿಡ್  ನಿವಾರಣೆಗೆ ಬೊಡ್ಡೆಗಲ್ಲಿಗೆ ರುದ್ರಾಭಿಷೇಕ

ರಾಯಚೂರು: ದೇವದುರ್ಗ ತಾಲೂಕಿನ ಹೆಗ್ಗಡದಿನ್ನಿ ಗ್ರಾಮದಲ್ಲಿ ಕೋವಿಡ್ ಮಹಾಮಾರಿಯಿಂದ ಸಾವು ನೋವು ಸಂಭವಿಸುತ್ತಿದ್ದು, ಸೋಂಕಿನಿಂದ ಮುಕ್ತಿ ಸಿಗಲಿ ಎಂದು ಗ್ರಾಮಸ್ಥರು ಬೊಡ್ಡೆಗಲ್ಲಿಗೆ ರುದ್ರಾಭಿಷೇಕ ಮಾಡಿ ಬೇಡಿಕೊಂಡಿದ್ದಾರೆ.

ಗ್ರಾಮಸ್ಥರು ಕೋವಿಡ್ ಭೀತಿಯಿಂದ ದೇವರ ಮೊರೆ ಹೋಗಿದ್ದಾರೆ. ಗ್ರಾಮದಲ್ಲಿ ಕೆಲ ದಿನಗಳಿಂದ ಕೋವಿಡ್ ಪಾಸಿಟಿವ್ ಪ್ರಕರಣಗಳು ಹೆಚ್ಚಾಗಿವೆ.

ಅದರ ಜತೆಗೆ ಐದಾರು ಜನ ಸಾವಿಗೀಡಾಗಿದ್ದು ಇಬ್ಬರು ಕೋವಿಡ್ ಗೆ ತುತ್ತಾಗಿರುವುದು ದೃಢವಾಗಿದೆ. ಇದರಿಂದ ಆತಂಕಗೊಂಡ ಜನ ಗ್ರಾಮದ ಆಂಜನೇಯ ಸ್ವಾಮಿ ದೇವಸ್ಥಾನದಲ್ಲಿ  11 ದಿನ ನಂದಾದೀಪ ಹಚ್ಚುವುದರ ಜತೆಗೆ ಗ್ರಾಮದ ಬೊಡ್ಡೆಗಲ್ಲಿಗೆ ರುದ್ರಾಭಿಷೇಕ ನೆರವೇರಿಸಿದ್ದಾರೆ. ಇನ್ನಾದರೂ ಗ್ರಾಮದಲ್ಲಿ ಕೋವಿಡ್ ಹಾವಳಿ ನಿಲ್ಲಲಿ ಎಂದು ಬೇಡಿಕೊಂಡಿದ್ದಾರೆ.