ಕುಡಿವ ನೀರಿನಲ್ಲಿ ಹುಳುಗಳು ಪತ್ತೆ!

ಯಳಂದೂರು: ಪಟ್ಟಣದ ಆಶ್ರಯ ಬಡಾವಣೆಯ ಬಹುತೇಕ ನಲ್ಲಿ ಮೂಲ ದಿಂದ ಕುಡಿಯುವ ನೀರಿನಲ್ಲಿ ಹುಳಗಳು ಬರುತ್ತಿದೆ. ಇದರಿಂದ ಕಲುಷಿತ ನೀರು ಪೂರೈಕೆಯಾಗುತ್ತಿದೆ ಎಂದು ಬಡಾವಣೆ ನಿವಾಸಿಗಳು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಪಟ್ಟಣದ 1ನೇ ವಾರ್ಡ್‌ ವ್ಯಾಪ್ತಿಗೆ ಸೇರುವ ಆಶ್ರಯ ಬಡಾವಣೆಯಲ್ಲಿ ನಲ್ಲಿ ಸಂಪರ್ಕದ ಮೂಲಕ ಮನೆಗೆ ಸರಬರಾಜು ಮಾಡುವ ಕುಡಿಯುವ ನೀರು ಕಳೆದ ಹಲವು ದಿನಗಳಿಂದಲ್ಲೂ ಕಲುಷಿತ ನೀರು ಸರಬರಾಜುವಾಗುತ್ತಿದೆ. ಇದ್ದರಿಂದ ಸಾಕಷ್ಟು ಮಂದಿ ಅನಾರೋಗ್ಯ ಪೀಡಿತರಾಗಿದ್ದಾರೆ. ಈ ಬಗ್ಗೆ ಸಮಪರ್ಕ ಶುದ್ಧ ನೀರನ್ನು ಪೂರೈಕೆ ಮಾಡಬೇಕಾದದ್ದು ಪಪಂ ಜವಾಬ್ದಾರಿ, ಆದರೆ ಇದಕ್ಕೂ ತನಗೂ ಯಾವುದೇ ರೀತಿಯ ಸಂಬಂಧವೇ ಇಲ್ಲ ಎಂಬಂತೆ ವರ್ತಿಸುತ್ತಿರುವ ಪರಿಣಾಮ ಕಳೆದ ಹಲವು ದಿನಗಳಂದಲೂ ನೀರಿಗಾಗಿ ತತ್ತರಿಸಿ ಹೋಗಿದ್ದಾರೆ.

ಆದರೂ ಕೂಡ ಸಂಬಂಧಪಟ್ಟ ಅಧಿಕಾರಿಗಳು ಮಾತ್ರ ಕ್ಯಾರೆ ಎನ್ನದ ಹಿನ್ನಲೆಯಲ್ಲಿ ಅನಿವಾರ್ಯವಾಗಿ ಈ ನೀರನ್ನೇ ಕುಡಿಯಬೇಕಾದ ಸ್ಥಿತಿ ಇದೆ ಎಂದು ಬಡಾವಣೆ ನಿವಾಸಿ ನಾಗಮ್ಮ ಆರೋಪಿಸಿದ್ದಾರೆ.

ಪಟ್ಟಣದ 1ನೇ ವಾರ್ಡ್‌ನಲ್ಲಿ ಕೆಲವು ಮನೆಗಳಲ್ಲಿ ನೀರಿನ ಸಂಪ್‌ಗ್ಳು ನೀರು ಸಂಪೂಣವಾಗಿ ಶೇಖರಣೆ ಮಾಡಿ ನಂತರ ಆ ನೀರು ಮತ್ತೆ ಪೈಪ್‌ಗೆ ಸೇರುವ ಸಮಯದಲ್ಲಿ ಈ ರೀತಿಯ ಕಲುಷಿತ ನೀರು ಹೋಗಿರುವ ಸಾಧ್ಯತೆ ಇದ್ದು, ಜತೆಗೆ ಕುಡಿಯುವ ನೀರಿನ ಪೈಪ್‌ ಒಡೆದು ಹೋಗಿರುವ ಬಗ್ಗೆ ಪರಿಶೀಲಿಸಲಾಗಿದೆ. ಎಲ್ಲೂ ಸಹ ಸೋರಿಕೆ ಕಂಡುಬಂದಿಲ್ಲ. – ಮಲ್ಲೇಶ್‌, ಮುಖ್ಯಾಧಿಕಾರಿ, ಯಳಂದೂರು ಪಪಂ