ಈಜಿಪ್ಟ್ ದಢೂತಿ ಮಹಿಳೆ ಎಮಾನ್‌ಗೆ ಶಸ್ತ್ರಚಿಕಿತ್ಸೆ ಪೂರ್ಣ

ಮುಂಬೈ: ವಿಶ್ವದಲ್ಲೇ ಅತ್ಯಂತ ಭಾರದ ಮಹಿಳೆ ಎಂದು ಸುದ್ದಿಗೆ ಗ್ರಾಸವಾಗಿದ್ದ ಈಜಿಪ್ಟ್ ನ  ಎಮಾನ್‌ ಅಹ್ಮದ್‌ಗೆ ಇಲ್ಲಿನ ಸೈಫಿ ಆಸ್ಪತ್ರೆಯಲ್ಲಿ ಬೊಜ್ಜು ಕರಗಿಸುವ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದಾರೆ. 

ಮಾ.7ರಂದು ಲ್ಯಾಪ್ರೋಸ್ಕೋಪಿಕ್‌ ಸ್ಲಿàವ್‌ ಗ್ಯಾಸ್ಟ್ರೋಕ್ಟಮಿ ಶಸ್ತ್ರಚಿಕಿತ್ಸೆ ನಡೆಸಲಾಗಿದೆ ಎಂದು ಹೇಳಿಕೆಯಲ್ಲಿ ತಿಳಿಸಲಾಗಿದೆ. ಅವರಿಗೆ ಈಗ ಪೌಷ್ಟಿಕಾಂಶಯುಕ್ತ ದ್ರವಾಹಾರ ನೀಡಲಾಗುತ್ತಿದೆ. 

ಕಳೆದ ತಿಂಗಳು ವಿಶೇಷ ವಿಮಾನದಲ್ಲಿ ಆಗಮಿಸಿದ್ದ ಅವರನ್ನು ಮುಂಬೈ ಏರ್‌ಪೋರ್ಟಲ್ಲಿ ಕ್ರೇನ್‌ ಮೂಲಕ ವಿಶೇಷ ಆ್ಯಂಬ್ಯುಲೆನ್ಸ್‌ನಲ್ಲಿ ಆಸ್ಪತ್ರೆಗೆ ಕರೆತರಲಾಗಿತ್ತು. ಇದಾದ ಬಳಿಕ ಅವರಿಗೆ ಘನ ಆಹಾರ ಸ್ಥಗಿತಗೊಳಿಸಿ ದ್ರವಾಹಾರ ನಡಲಾಗಿತ್ತು. ಒಂದು ತಿಂಗಳ ಅವಧಿಯಲ್ಲಿ ಅವರ ತೂಕ 100 ಕೆಜಿ ಇಳಿಕೆಯಾಗಿತ್ತು.