ದಿಲ್ಲಿ ಮೆಟ್ರೋಗೆ ಹೊಸ ಹಿರಿಮೆ

ಹೊಸದಿಲಿ: ಇನ್ನು 3 ತಿಂಗಳಲ್ಲಿ ಹೊಸದಿಲ್ಲಿ ಮೆಟ್ರೋ ವಿಶ್ವದಲ್ಲಿಯೇ ಅತ್ಯಂತ ನಾಲ್ಕನೇಯ ದೊಡ್ಡ ಮೆಟ್ರೋ ಎಂಬ ಹೆಗ್ಗಳಿ ಕೆಗೆ ಪಾತ್ರವಾಗಲಿದೆ. ಮಾರ್ಚ್‌ 2018ರಲ್ಲಿ ದಿಲ್ಲಿ ಮೆಟ್ರೋದ 3ನೇ ಹಂತದ ಕಾಮಗಾರಿ ಗಳು ಮುಕ್ತಾಯವಾಗುವ ವೇಳೆ ಒಟ್ಟು ಮಾರ್ಗ 375 ಕಿಮೀಗೆ ವಿಸ್ತಾರವಾಗ ಲಿದೆ. ಬೊಟಾನಿಕಲ್‌ ಗಾರ್ಡನ್‌ನಿಂದ ಕಾ ಲ್ಕಜಿ ಎಕ್ಸ್‌ಟೆನ್ಶನ್‌ ವರೆಗಿನ ಮಾರ್ಗ ಕೆಲ ದಿನಗಳ ಹಿಂದೆ ಉದ್ಘಾಟನೆಯಾಗಿದ್ದರಿಂದ ಸದ್ಯ ಅದು ಒಟ್ಟು 231 ಕಿಮೀ ಮಾರ್ಗ ಹೊಂದಿದೆ.

ಈ ಬಗ್ಗೆ ಮಾತನಾಡಿದ ದಿಲ್ಲಿ ಮೆಟ್ರೋದ ಕಾರ್ಪೊರೇಟ್‌ ಕಮ್ಯುನಿಕೇಶನ್‌ನ ಕಾರ್ಯ ನಿರ್ವಾಹಕ ನಿರ್ದೇಶಕ ಅಜು ದಯಾಳ್‌ “ಸದ್ಯ ದಿಲ್ಲಿ ಮೆಟ್ರೋದಲ್ಲಿ 173 ಸ್ಟೇಷನ್‌ಗಳಿವೆ. ಮೂರನೇ ಹಂತದ ಯೋಜನೆ ಪೂರ್ತಿಯಾದ ಬಳಿಕ ಒಟ್ಟು 375 ಕಿಮೀ ಮಾರ್ಗ ಮೆಟ್ರೋಗೆ ಸಿಗಲಿದೆ. ನೋಯ್ಡಾ- ಗ್ರೇಟರ್‌ ನೋಯ್ಡಾ ಕಾರಿಡಾರ್‌ ಅತಿದೊಡ್ಡ ಕಾರಿಡಾರ್‌ ಆಗಲಿದೆ. ಚೀನದ ಬೀಜಿಂಗ್‌ ಮತ್ತು ಲಂಡನ್‌ನಲ್ಲಿರುವ ಮೆಟ್ರೋ ಬಳಿಕ ಅತ್ಯಂತ ದೊಡ್ಡ ಕಾರಿಡಾರ್‌ ಆಗಲಿದೆ’ ಎಂದಿ ದ್ದಾರೆ. ಈ ವಲಯ ದಿಲ್ಲಿ ಮೆಟ್ರೋ ಸಂಪರ್ಕ ಸರಣಿ ಭಾಗವಾಗಿರಲಿದ್ದು, 52 ನಿಲ್ದಾಣಗಳನ್ನು ಹೊಂದಲಿದೆ. ನಿರ್ಮಾಣವನ್ನು ದಿಲ್ಲಿ ಮೆಟ್ರೋ ನಿಗಮ ಕೈಗೆತ್ತಿಕೊಂಡರೂ ಅದರ ನಿರ್ವಹಣೆಯನ್ನು ನೋಯ್ಡಾ ಮೆಟ್ರೋ ರೈಲು ನಿಗಮ ನಡೆಸಲಿದೆ. 2018ರಲ್ಲಿ ಮೆಟ್ರೋ ಹರಿಯಾಣ ಕ್ಕೂ 3ನೇ ಹಂತದಲ್ಲಿ ಕಾಲಿಡಲಿದೆ. ಗುರ್ಗಾಂವ್‌- ಫ‌ರಿದಾ ಬಾದ್‌ ಅನಂತರ ಬಹಾದುರ್‌ಗಡಕ್ಕೆ ಸಂಪರ್ಕ ವಿಸ್ತಾರ ಗೊಂಡ ಬಳಿಕ ಅದು ಸಾಧ್ಯ.

ವಿಶ್ವದ ದೊಡ್ಡ ಮೆಟ್ರೋ ವ್ಯವಸ್ಥೆ
421ನಿಲ್ದಾಣ ನ್ಯೂಯಾರ್ಕ್‌ ಸಿಟಿ ಸಬ್‌ವೇ

303ನಿಲ್ದಾಣ ಪ್ಯಾರೀಸ್‌ ಮೆಟ್ರೋ

ಸುದ್ದಿಗಳು