ಜನಪ್ರತಿನಿಧಿಗಳೇ ಜನರ ಸಮಸ್ಯೆ ನಿರ್ಲಕ್ಷ್ಯಿಸಬೇಡಿ

ಚಿಕ್ಕಬಳ್ಳಾಪುರ: ರಾಜ್ಯ ಮತ್ತು ರಾಷ್ಟ್ರಮಟ್ಟದಲ್ಲಿರುವ ಸ್ಥಳೀಯ ಸಮಸ್ಯೆಗಳ ಬಗ್ಗೆ ಚಕಾರ ಎತ್ತದೆ ಅನಗತ್ಯವಿಚಾರಗಳ ಕುರಿತು ಲೋಕಸಭೆ, ವಿಧಾನಸಭೆಗಳಲ್ಲಿ ಚರ್ಚೆ ಮಾಡಿ, ಕಾಲಹರಣ ಮಾಡುತ್ತಿರುವಬೇಜವಾಬ್ದಾರಿ ಪ್ರತಿನಿಧಿಗಳನ್ನು ಓಡಿಸುವ ಕಾಲ ಸನ್ನಿಹಿತವಾಗಿದೆ ಎಂದು ಸುಪ್ರೀಂ ಕೋರ್ಟ್‌ ನಿವೃತ್ತ ನ್ಯಾಯಮೂರ್ತಿ ವಿ.ಗೋಪಾಲ್‌ಗೌಡ ಹೇಳಿದರು.

ತಾಲೂಕಿನ ನಾಯನಹಳ್ಳಿಯಲ್ಲಿ ಶಾಶ್ವತ ನೀರಾವರಿ ಹೋರಾಟ ಸಮಿತಿ ಮುಖಂಡ ಆಂಜಿನೇಯರೆಡ್ಡಿ ಅವರ ತೋಟದಲ್ಲಿ ವಿಶ್ವ ಜಲ ದಿನಾಚರಣೆ ಪ್ರಯುಕ್ತ ಜಿಲ್ಲಾ ಶಾಶ್ವತ ನೀರಾವರಿ ಹೋರಾಟಸಮಿತಿ ನೀರಾವರಿ ತಜ್ಞ ದಿ.ಡಾ.ಪರಮಶಿವಯ್ಯಸ್ಮರಣಾರ್ಥ ಗ್ರಂಥಾಲಯ ಮತ್ತು ಮಾಹಿತಿ ಕೇಂದ್ರಲೋಕಾರ್ಪಣೆ ಕಾರ್ಯಕ್ರಮದಲ್ಲಿ ಮಾತನಾಡಿ,ಸಂವಿಧಾನದಡಿಯಲ್ಲಿ ಪ್ರಜಾಪ್ರಭುತ್ವದ ವ್ಯವಸ್ಥೆಯಡಿ ಸಂಸದರು ಮತ್ತು ಶಾಸಕರು ಸ್ಥಳೀಯ ಸಮಸ್ಯೆಗಳನ್ನು ಅರಿತು ಪರಿಹಾರ ಕಲ್ಪಿಸುವ ಕೆಲಸಮಾಡಬೇಕು. ಅದು ಆಗುತ್ತಿಲ್ಲ. ಸಂಸತ್‌ ಮತ್ತು ವಿಧಾನಸಭೆಯಲ್ಲಿ ಮಹಿಳೆಯರು, ಕೃಷಿಕಾರ್ಮಿಕರು ಹಾಗೂ ರೈತರಿಗೆ ಸಾಮಾಜಿಕ ನ್ಯಾಯಕಲ್ಪಿಸುವ ಕೆಲಸ ಆಗುತ್ತಿಲ್ಲ. ಹಾಗಾದರೇ ಅಂತಹಸಂಸತ್‌ ಮತ್ತು ವಿಧಾನಸಭೆ ನಮಗ್ಯಾಕೆ ಬೇಕೆಂಬ ಪ್ರಶ್ನೆ ಉದ್ಭವವಾಗಿದೆ ಎಂದರು.

ಸ್ವಾಮಿನಾಥನ್‌ ವರದಿ ಜಾರಿಗೊಳಿಸಿ: 2010ರಲ್ಲಿ ಸ್ವಾಮಿನಾಥನ್‌ ವರದಿ ಸಿದ್ಧಪಡಿಸಲಾಗಿದೆ. ರೈತರುಬೆಳೆಯುವ ಉತ್ಪನ್ನಗಳಿಗೆ ಬೆಂಬಲ ಬೆಲೆನಿಗದಿಗೊಳಿಸಲಾಗಿದೆ. ಆದರೆ, ನಮ್ಮ ದೇಶವನ್ನುಲೂಟಿ ಹೊಡೆದು ಪಲಾನಯನ ಮಾಡಿರುವರನ್ನುಯಾಕೆ ಜೈಲಿಗೆ ಹಾಕಿಲ್ಲವೆಂದು ಪ್ರಶ್ನಿಸಿ, ಅನ್ಯಾಯದವಿರುದ್ಧ ಧ್ವನಿಯೆತ್ತುವ ರೈತರ ಮೇಲೆ ಕೇಸ್‌ದಾಖಲಿಸುವ ಕೆಲಸ ಮಾಡುತ್ತಿದ್ದಾರೆ. ರೈತಪರ-ನೀರಾವರಿಗಾಗಿ ಹೋರಾಟ ನಡೆಸುವ ಹೋರಾಟಗಾರರು ಮತ್ತು ರೈತರಿಗೆ ಕಾನುನಿನನೆರವು ನೀಡಲು ಬದ್ಧನಾಗಿದ್ದೇನೆ ಎಂದರು.

ಕೋಲಾರ ಮತ್ತು ಚಿಕ್ಕಬಳ್ಳಾಪುರ ಜಿಲ್ಲೆಯಲ್ಲಿರೈತರು ಸತತ ಬರಗಾಲದಿಂದ ತತ್ತರಿಸುತ್ತಿದ್ದಾರೆ.ಆದರೆ, ಈ ಭಾಗಕ್ಕೆ ನೀರಾವರಿ ಸೌಲಭ್ಯಗಳನ್ನುಕಲ್ಪಿಸಲು ಜಲಸಂಪನ್ಮೂಲ ಮತ್ತು ಸಣ್ಣ ನೀರಾವರಿಇಲಾಖೆ ಅಧಿಕಾರಿಗಳು ಸಾಮಾಜಿಕ ನ್ಯಾಯಕಲ್ಪಿಸುವುದರಲ್ಲಿ ವಿಫಲರಾಗಿದ್ದಾರೆ ಎಂದು ಅಸಮಾಧಾನ ವ್ಯಕ್ತಪಡಿಸಿದರು.

ಅಗತ್ಯ ಮಾರ್ಗದರ್ಶನ, ತರಬೇತಿ: ಕೇಂದ್ರಭೂಜಲ ಮಂಡಳಿಯ ವಿಜ್ಞಾನಿ ಡಾ.ವಿ.ಎಸ್‌.ಪ್ರಕಾಶ್‌ ಮಾತನಾಡಿ, ಜಿಲ್ಲೆಯಲ್ಲಿ ನೀರಾವರಿಸೌಲಭ್ಯ ಮತ್ತು ಜಲಮೂಲಗಳನ್ನು ಪುನಶ್ಚೇತನಗೊಳಿಸಲು ಸರ್ಕಾರಗಳು ಕೈಗೊಳ್ಳುತ್ತಿರುವ ಯೋಜನೆಗಳ ಕುರಿತು ಅರಿವು ಪಡೆದುಕೊಂಡು ಪ್ರಶ್ನಿಸುವಮನೋಭಾವ ಬೆಳೆಸಿಕೊಳ್ಳಬೇಕು. ಈ ನಿಟ್ಟಿನಲ್ಲಿರೈತರು, ಮಹಿಳೆಯರಿಗೆ ಅಗತ್ಯ ಮಾರ್ಗದರ್ಶನಮತ್ತು ತರಬೇತಿ ನೀಡುವುದಾಗಿ ಹೇಳಿದರು.

ಕಾರ್ಯಕ್ರಮದಲ್ಲಿ ಡಾ.ವಿದ್ಯಾಧರ್‌ ಮುದ್ಕವಿ, ವಾಟರ್‌ ಇನ್ಸಟ್ಯೂಟ್‌ ನಿರ್ದೇಶಕ ಡಾ.ಎಂ.ಇನಾಯುತ್ತುಲ್ಲಾ, ಕಾ.ಲಕ್ಷಮಯ್ಯ, ಹೊಳಲಿಪ್ರಕಾಶ್‌, ರಾಜೇಶ್‌, ಜಿಲ್ಲಾ ಶಾಶ್ವತ ನೀರಾವರಿಹೋರಾಟ ಸಮಿತಿ ಅಧ್ಯಕ್ಷ ಆಂಜಿನೇಯ ರೆಡ್ಡಿ,ಉಪಾಧ್ಯಕ್ಷ ಮಳ್ಳೂರು ಹರೀಶ್‌, ಕಲ್ಯಾಣಬಾಬು,ಒಂದೇ ಭಾರತಂ ಲೋಕೇಶ್‌, ಯುವ ಶಕ್ತಿ ಸಂಘಟನೆಯ ವಿಜಯಬಾವರೆಡ್ಡಿ, ಶಿವಪ್ರಕಾಶ್‌ರೆಡ್ಡಿ, ರಾಘವೇಂದ್ರ, ನಾಗದೇನಹಳ್ಳಿ ನಾರಾಯಣಸ್ವಾಮಿ, ಆನೂರು ದೇವರಾಜು, ಎಂ.ಆರ್‌.ಲಕ್ಷ್ಮೀನಾರಾಯಣ, ಸುಷ್ಮಾ ಶ್ರೀನಿವಾಸ್‌, ಡಾ.ಪ್ರಭಾನಾರಾಯಣಗೌಡ, ಜೀವಿಕ ರತ್ನಮ್ಮ, ರೇಣುಕುಮ್ಮ, ಆಯೀಷಾ ಸುಲ್ತಾನ್‌, ಚಿಂತಾಮಣಿ ಲಕ್ಷ್ಮೀನಾರಾಯರೆಡ್ಡಿ, ಡಾ.ಅನೀಲ್‌ಕುಮಾರ್‌, ಪರಿಸರವಾದಿ ಚೌಡಪ್ಪ, ಬಿ.ಎಚ್‌.ನರಸಿಂಹಯ್ಯ, ಮಂಚನ ಬಲೆ ಶ್ರೀನಿವಾಸ್‌, ಪುರದಗಡ್ಡೆ ಕೃಷ್ಣಪ್ಪ ಇದ್ದರು.