ವಿಶ್ವ ಸ್ಕ್ವಾಷ್‌ ಚಾಂಪಿಯನ್‌ಶಿಪ್‌ ಜೋಶ್ನಾ ಚಿನ್ನಪ್ಪ ಹೊರಕ್ಕೆ

ಹೊಸದಿಲ್ಲಿ: ವಿಶ್ವದ 12ನೇ ರ್‍ಯಾಂಕಿನ ಭಾರತದ ಜೋಶ್ನಾ ಚಿನ್ನಪ್ಪ ಅವರು ಸದ್ಯ ಸಾಗುತ್ತಿರುವ ಪಿಎಸ್‌ಎ ವನಿತಾ ವಿಶ್ವ ಸ್ಕ್ವಾಷ್‌ ಚಾಂಪಿಯನ್‌ಶಿಪ್‌ನ ಪ್ರಿ-ಕ್ವಾರ್ಟರ್‌ಫೈನಲ್ಸ್‌ನಲ್ಲಿ ಸೋತು ಹೊರಬಿದ್ದಿದ್ದಾರೆ.

ಪ್ರಿ-ಕ್ವಾರ್ಟರ್‌ಫೈನಲ್ಸ್‌ನಲ್ಲಿ ಅವರು ವಿಶ್ವದ ಎರಡನೇ ರ್‍ಯಾಂಕಿನ ಈಜಿಪ್ಟ್ನ ಎಲ್‌ ನೂರ್‌ ಎಲ್‌ ಶೆರ್ಬಿನಿ ಕೈಯಲ್ಲಿ 0-3 ಅಂತರದಿಂದ ಶರಣಾದರು. ದ್ವಿತೀಯ ಸುತ್ತಿನಲ್ಲಿ ಅವರ ಎದುರಾಳಿ ಹಾಂಕಾಂಗ್‌ನ ಹೊ ತಿಝಿ ಲಾಕ್‌ ಅವರು ಗಾಯದಿಂದಾಗಿ ಪಂದ್ಯ ತ್ಯಜಿಸಿದ್ದರಿಂದ ಜೋಶ್ನಾ ಮುನ್ನಡೆದಿದ್ದರು.

ಹಾಲಿ ವಿಶ್ವ ಚಾಂಪಿಯನ್‌ ಆಗಿರುವ ಶೆರ್ಬಿನಿ ತನ್ನ ಅಮೋಘ ಆಟವನ್ನು ಮುಂದುವರಿಸಿದರು. 11-5, 11-3, 11-6 ಅಂತರದಿಂದ ಜಯ ಸಾಧಿಸುವ ಮೂಲಕ ಶೆರ್ಬಿನಿ ಕ್ವಾರ್ಟರ್‌ಫೈನಲ್‌ ತಲುಪಿದರು. ಶರ್ಬಿನಿ ಸತತ ಎರಡನೇ ಬಾರಿಗೆ ಜೋಶ್ನಾ ವಿರುದ್ಧ ಜಯ ಸಾಧಿಸಿದ್ದಾರೆ.