ವಿಶ್ವ ಜೂನಿಯರ್‌ ಸ್ಕ್ವಾಷ್‌: ಭಾರತ ತಂಡ ಕ್ವಾರ್ಟರ್‌ಫೈನಲ್‌ಗೆ

ಹೊಸದಿಲ್ಲಿ: ಭಾರತದ ಬಾಲಕಿಯರ ತಂಡ ವಿಶ್ವ ಜೂನಿಯರ್‌ ಸ್ಕ್ವಾಷ್‌ ಚಾಂಪಿಯನ್‌ಶಿಪ್‌ನಲ್ಲಿ ಕ್ವಾರ್ಟರ್‌ ಫೈನಲ್‌ಗೆ ಪ್ರವೇಶಿಸಿದ್ದಾರೆ. ಗುಂಪು “ಸಿ’ದಲ್ಲಿ ಆಡಿದ ಭಾರತ ತಂಡ 2ನೇ ಸ್ಥಾನ ಪಡೆಯುವ ಮೂಲಕ ಕ್ವಾರ್ಟರ್‌ಗೆ ಲಗ್ಗೆ ಹಾಕಿದೆ. 

ಅಂತಿಮ ಪಂದ್ಯದಲ್ಲಿ ಭಾರತ 2-1 ರಿಂದ ಫ್ರಾನ್ಸ್‌ ವಿರುದ್ಧ ಜಯ ಸಾಧಿಸಿತು.  ಭಾರತದ ಪರ ಸುನನ್ಯಾ ಕುರುವಿಲಾ, ಆಶಿತಾ ಭೆಂಗ್ರಾ ಜಯ ಸಾಧಿಸಿದರೆ, ಆಕಾಂಕ್ಷಾ ಸೋಲುಂಡಿದ್ದಾರೆ. ಭಾರತ ಮುಂದಿನ ಪಂದ್ಯದಲ್ಲಿ “ಡಿ’ ಗುಂಪಿನ ವಿಜೇತ ತಂಡ ಹಾಂಕಾಂಗ್‌ ತಂಡದ ಸವಾಲನ್ನು ಎದುರಿಸಲಿದೆ.