ರ್‍ಯಾಂಕಿಂಗಿಗೂ ವಿಶ್ವಕಪ್‌ ಸಾಧನೆಗೂ ಸಂಬಂಧವಿಲ್ಲ: ಸ್ಟೇನ್‌

ಕೋಲ್ಕತಾ: ವಿಶ್ವಕಪ್‌ ಸಾಧನೆಗೂ ಐಸಿಸಿ ರ್‍ಯಾಂಕಿಂಗಿಗೂ ಯಾವುದೇ ಸಂಬಂಧವಿಲ್ಲ ಎಂದು ದಕ್ಷಿಣ ಆಫ್ರಿಕಾದ ಹಿರಿಯ ವೇಗಿ ಡೇಲ್‌ ಸ್ಟೇನ್‌ ಹೇಳಿದ್ದಾರೆ.

“ನೀವು ನಿಮ್ಮ ರ್‍ಯಾಂಕಿಂಗ್‌ ತೆಗೆದುಕೊಂಡು ಕಿಟಕಿಯಿಂದ ಹೊರಗೆಸೆಯಿರಿ. ಈಗ ರ್‍ಯಾಂಕಿಂಗ್‌ ಅಂದರೆ ಏನೂ ಅಲ್ಲ. ವಿಶ್ವಕಪ್‌ ಸಾಧನೆಗೂ ರ್‍ಯಾಂಕಿಂಗಿಗೂ ಸಂಬಂಧ ಕಲ್ಪಿಸುವುದೇ ಅಸಂಬದ್ಧ. ಇಲ್ಲಿ ಬಲಿಷ್ಠ ಇಂಗ್ಲೆಂಡನ್ನು ಕೆಳ ರ್‍ಯಾಂಕಿಂಗಿನ ವೆಸ್ಟ್‌ ಇಂಡೀಸ್‌ ಮಣಿಸಲೂಬಹುದು. ಆಸ್ಟ್ರೇಲಿಯ ಸೋಲಲೂಬಹುದು. ವಿಶ್ವಕಪ್‌ನಲ್ಲಿ ಆಡಲಿರುವ ಎಲ್ಲ ತಂಡಗಳಿಗೂ ಗೆಲ್ಲುವ ಧಾರಾಳ ಅವಕಾಶವಿದೆ ಎಂಬುದು ನನ್ನ ಅಭಿಪ್ರಾಯ’ ಎಂದು ಡೇಲ್‌ ಸ್ಟೇನ್‌ ಕೋಲ್ಕತಾದಲ್ಲಿ ಮಾಧ್ಯಮದವರೊಂದಿಗೆ ಹೇಳಿದರು. ಗುರುವಾರ ಪ್ರಕಟಿಸಲಾದ ದಕ್ಷಿಣ ಆಫ್ರಿಕಾ ವಿಶ್ವಕಪ್‌ ತಂಡದಲ್ಲಿ ಡೇಲ್‌ ಸ್ಟೇನ್‌ ಸ್ಥಾನ ಸಂಪಾದಿಸುವಲ್ಲಿ ಯಶಸ್ವಿಯಾಗಿದ್ದಾರೆ.