ವಿಶ್ವ ಬಾಕ್ಸಿಂಗ್‌: ಮನೋಜ್‌ ಮುನ್ನಡೆ

ಹ್ಯಾಂಬರ್ಗ್‌: ಮನೋಜ್‌ ಕುಮಾರ್‌ ಮತ್ತು ಕಾವಿಂದರ್‌ ಬಿಸ್ತ್ ಅವರು 19ನೇ ವಿಶ್ವ ಬಾಕ್ಸಿಂಗ್‌ ಚಾಂಪಿಯನ್‌ಶಿಪ್‌ನ ಮೊದಲ ಸುತ್ತಿನ ಹೋರಾಟದಲ್ಲಿ ಗೆಲುವು ದಾಖಲಿಸಿದ್ದಾರೆ.

ತೀವ್ರ ಪೈಪೋಟಿಯಿಂದ ಸಾಗಿದ ವೆಲ್ಟರ್‌ವೇಟ್‌ (69 ಕೆ.ಜಿ.) ವಿಭಾಗದಲ್ಲಿ ಮನೋಜ್‌ ಮಾಲ್ಡೋವನ್‌ನ ವಾಸಿಲಿ ಬೆಲೋಸ್‌ ಅವರನ್ನು 3-2 ಅಂತರದಿಂದ ಮಣಿಸಿದರು. ಇದೆ ವೇಳೆ ಕಾವಿಂದರ್‌ ಫ್ಲೈವೇಟ್‌ (52 ಕೆ.ಜಿ.) ವಿಭಾಗದಲ್ಲಿ ಜಪಾನಿನ ರಿಯುಸಿ ಬಾಬಾ ಅವರನ್ನು 3-2 ಅಂತರದಿಂದ ಉರುಳಿಸಿದರು. ಆದರೆ ಏಶ್ಯನ್‌ ಗೇಮ್ಸ್‌ ಕಂಚು ವಿಜೇತ ಸತೀಶ್‌ ಕುಮಾರ್‌ (+91 ಕೆ.ಜಿ.) ಮೊದಲ ಸುತ್ತಿನಲ್ಲಿ ಸೋತರು. ಅವರು ಅಜರ್‌ಬೈಜಾನ್‌ನ ಎರಡು ಬಾರಿಯ ವಿಶ್ವಚಾಂಪಿಯನ್‌ ಮಹಮದ್ರಾಸುಲ್‌ ಮಜಿದೋವ್‌ ಅವರಿಗೆ 0-5 ರಿಂದ ಶರಣಾದರು.