ಕಾರ್ಮಿಕರ ಆಧಾರ ಜೋಡಣೆ ಮಾಡಿ

ಮಾನ್ವಿ: ವಿವಿಧ ಗ್ರಾಪಂಗಳಲ್ಲಿ ಕೂಲಿ ಕಾರ್ಮಿಕರ ಆಧಾರ ಜೋಡಣೆ ಅತ್ಯಂತ ಕಡಿಮೆ ಇದ್ದು, ಗ್ರಾಪಂ ಅಭಿವೃದ್ಧಿ ಅಧಿಕಾರಿಗಳು ಗ್ರಾಮದಲ್ಲಿನ ಮನೆ-ಮನೆಗೆ ಭೇಟಿ ನೀಡಿ ಮಾಹಿತಿ ಸಂಗ್ರಹಿಸಿ ಆನ್‌ ಲೈನ್‌ನಲ್ಲಿ ಅಪ್‌ಲೋಡ್‌ ಮಾಡುವಂತೆ ಜಿಪಂ ಯೋಜನ ನಿರ್ದೇಶಕ ಪಿ.ಎಸ್‌. ಮಾಡೋಳಪ್ಪ ಸೂಚಿಸಿದರು.

ಜಾನೇಕಲ್‌ ಹಾಗೂ ಪೋತ್ನಾಳ ಗ್ರಾಪಂ ಸೇರಿದಂತೆ ವಿವಿಧ ಗ್ರಾಮಗಳಿಗೆ ಭೇಟಿ ನೀಡಿ ನರೇಗಾ ಯೋಜನೆಯಡಿ ಪ್ರಗತಿಯಲ್ಲಿರುವ ವಿವಿಧ ಕಾಮಗಾರಿ ಪರಿಶೀಲಿಸಿದ ಅವರು, ಗುಣಮಟ್ಟದ ಕಾಮಗಾರಿ ಕೈಗೊಳ್ಳುವಂತೆ ತಿಳಿಸಿದರು.

ಪ್ರಗತಿಯಲ್ಲಿರುವ ಮಳೆನೀರು ಕೊಯ್ಲು, ಬಿಸಿಯೂಟ ಕೋಣೆ, ಚರಂಡಿ, ಘನತ್ಯಾಜ್ಯ ವಿಲೇವಾರಿ ಘಟಕ, ಕಸ ವಿಲೇವಾರಿ ಘಟಕ, ಶೌಚಾಲಯ, ಬಾಸ್ಕೇಟ್‌ ಬಾಲ್‌ ಆಟದ ಮೈದಾನಕ್ಕೆ ಭೇಟಿನೀಡಿಕಾಮಗಾರಿಪರಿಶೀಲಿಸಿದರು. ಗ್ರಾಪಂ ಅಭಿವೃದ್ಧಿ ಅಧಿಕಾರಿ, ಕಾರ್ಯದರ್ಶಿ, ಸಿಬ್ಬಂದಿ ಇದ್ದರು