ಮಹಿಳಾ ಟಿ20 ಶ್ರೇಯಾಂಕ: ರಾಧಾ ಯಾದವ್‌ ವಿಶ್ವ ನಂ.2

ದುಬೈ: ವಿಶ್ವ ಮಹಿಳಾ ಕ್ರಿಕೆಟ್‌ ಟಿ20 ಶ್ರೇಯಾಂಕ ಬಿಡುಗಡೆಯಾಗಿದೆ. ಭಾರತದ ಎಡಗೈ ಸ್ಪಿನ್ನರ್‌ ರಾಧಾ ಯಾದವ್‌ ವಿಶ್ವ ನಂ.2 ಸ್ಥಾನವುಳಿಸಿಕೊಂಡಿದ್ದಾರೆ.

ತುಸು ಬೇಸರದ ಸಂಗತಿಯೆಂದರೆ ಇನ್ನಿಬ್ಬರು ಬೌಲರ್‌ಗಳಾದ ದೀಪ್ತಿ ಶರ್ಮ ಐದಕ್ಕೆ, ಪೂನಂ ಯಾದವ್‌ ಆರಕ್ಕೆ ಕುಸಿದಿದ್ದಾರೆ. ಬ್ಯಾಟ್ಸ್‌ಮನ್‌ಗಳ ಪೈಕಿ ಜೆಮಿಮಾ ರೋಡ್ರಿಗಸ್‌ 4, ಸ್ಮತಿ ಮಂಧನಾ 7, ಹರ್ಮನ್‌ ಪ್ರೀತ್‌ಸಿಂಗ್‌ 9ನೇ ಸ್ಥಾನವುಳಿಸಿಕೊಂಡಿದ್ದಾರೆ. ತಂಡ ಶ್ರೇಯಾಂಕದಲ್ಲಿ ಭಾರತ 4ನೇ ಸ್ಥಾನದಲ್ಲೇ ಮುಂದುವರಿದಿದೆ.