ಮಹಿಳಾ ಐಪಿಎಲ್‌: ಪಂದ್ಯ ಹೆಚ್ಚಳ?

ಮುಂಬೈ: ಪ್ರಸ್ತುತ ವಿಶ್ವವಿಖ್ಯಾತಗೊಂಡಿರುವ ಪುರುಷರ ಐಪಿಎಲ್‌ನಂತೆಯೇ, ಭಾರತದಲ್ಲಿ ಮಹಿಳಾ ಐಪಿಎಲ್‌ನ್ನು ನಡೆಸಬೇಕೆಂಬ ಬೇಡಿಕೆ ಕೆಲವರ್ಷಗಳಿಂದ ಕೇಳಿಬಂದಿದೆ. 2018ರ ಐಪಿಎಲ್‌ನಲ್ಲಿ ಒಂದು ಪ್ರದರ್ಶನ ಪಂದ್ಯವೂ ನಡೆದಿತ್ತು. ಈ ಬಾರಿ ಆ ಪಂದ್ಯಗಳ ಸಂಖ್ಯೆಯಲ್ಲಿ ಹೆಚ್ಚಳ ಮಾಡುವ ಸಾಧ್ಯತೆಯಿದೆ. ಅಂದರೆ ಭಾರತ ಮತ್ತು ವಿದೇಶಿ ಆಟಗಾರ್ತಿಯರಿರುವ 2 ತಂಡಗಳನ್ನು ರಚಿಸಲಾಗುತ್ತದೆ. ಅವರ ನಡುವೆ 3 ಪಂದ್ಯಗಳ ಸರಣಿ ಆಡಿಸಲಾಗುತ್ತದೆ. ಇಂಗ್ಲೆಂಡ್‌, ಆಸ್ಟ್ರೇಲಿಯದಲ್ಲಿ ನಡೆಸುತ್ತಿರುವಂತೆ ಪೂರ್ಣ ಪ್ರಮಾಣದ ಮಹಿಳಾ ಐಪಿಎಲ್‌ ನಡೆಸಲು ಬಿಸಿಸಿಐ ಚಿಂತಕರು ಪ್ರಸ್ತುತ ಒಪ್ಪುತ್ತಿಲ್ಲ ಎನ್ನಲಾಗಿದೆ.