ಮಹಿಳಾ ಐಪಿಎಲ್‌: ಭಾರೀ ನಿರೀಕ್ಷೆ

ಹೊಸದಿಲ್ಲಿ: ಇದೇ ಮೊದಲ ಬಾರಿಗೆ ಮಹಿಳಾ ಐಪಿಎಲ್‌ ನಡೆಸಲು ಬಿಸಿಸಿಐ ಸಜ್ಜಾಗಿದೆ. ಬುಧವಾರ ಹರಾಜು ನಡೆಯಲಿದೆ.

5 ತಂಡಗಳನ್ನು ಕೊಳ್ಳಲು ವಿವಿಧ ಕಂಪೆನಿಗಳ ನಡುವೆ ಪೈಪೋಟಿ ನಡೆಯಲಿದೆ. ಒಂದೊಂದು ಕಂಪೆನಿಯೂ ತಂಡಗಳನ್ನು ಕೊಳ್ಳಲು 500ರಿಂದ 600 ಕೋಟಿ ರೂ. ವ್ಯಯಿಸುವ ನಿರೀಕ್ಷೆಯಿದೆ.

ಈ ಮೊತ್ತ 800 ಕೋಟಿಗೂ ಏರಬಹುದು. ಒಟ್ಟಾರೆ ಹರಾಜಿನಿಂದ ಬಿಸಿಸಿಐ 4,000 ಕೋಟಿ ರೂ. ಲಾಭ ಗಳಿಸುವ ನಿರೀಕ್ಷೆಯಿದೆ.

10 ಐಪಿಎಲ್‌ ತಂಡಗಳೂ ಪೈಪೋಟಿಯಲ್ಲಿವೆ. ಅದಾನಿ ಸಮೂಹ, ಟಾರೆಂಟ್‌ ಸಮೂಹ, ಹಲ್ದೀರಾಮ್ಸ್‌ ಪ್ರಭುಜಿ, ಕ್ಯಾಪ್ರಿ ಗ್ಲೋಬಲ್‌, ಕೋಟಕ್‌ ಆ್ಯಂಡ್‌ ಆದಿತ್ಯ ಬಿರ್ಲಾ ಸಮೂಹವೂ ತಂಡಗಳನ್ನು ಕೊಳ್ಳುವ ಉತ್ಸಾಹದಲ್ಲಿವೆ.