ನಕ್ಸಲ್ ನಿಗ್ರಹಕ್ಕೆ ಮಹಿಳಾ ಕಮಾಂಡೋ

ರಾಯ್ಪುರ: ಛತ್ತೀಸ್‌ಗಢ ಪೊಲೀಸ್‌ ಇಲಾಖೆಯು ಇದೇ ಮೊದಲ ಬಾರಿಗೆ ತನ್ನ ನಕ್ಸಲ್ ನಿಗ್ರಹ ಪಡೆಯ ಜಿಲ್ಲಾ ಮೀಸಲು ಪಡೆಗೆ ಮಹಿಳಾ ಕಮಾಂಡೋಗಳನ್ನು ನೇಮಕ ಮಾಡಿದೆ. ಕಳೆದೊಂದು ತಿಂಗಳಲ್ಲಿ ಮೂವರು ನಕ್ಸಲರನ್ನು ಹತ್ಯೆಗೈದ ‘ಶಾರ್ಟ್‌ ಆ್ಯಕ್ಷನ್‌ ಟೀಂ’ನಲ್ಲಿದ್ದ ಮಹಿಳೆಯರನ್ನೇ ಈ ಕಮಾಂಡೋಗಳಾಗಿ ನೇಮಕ ಮಾಡಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ರಾಜ್ಯದ ನಕ್ಸಲ್ಪೀಡಿತ ದಂತೇವಾಡದಲ್ಲಿ ಈ ‘ದಂತೇಶ್ವರಿ ಲಡ್ಕೇ’ ಎಂಬ ಹೆಸರಿನ ಪಡೆಯನ್ನು ನಿಯೋಜಿಸಲಾಗುವುದು ಎಂದೂ ಅವರು ಹೇಳಿದ್ದಾರೆ.