ವನಿತಾ ವಿಶ್ವಕಪ್‌ ಫ‌ುಟ್‌ಬಾಲ್‌: ಆಸ್ಟ್ರೇಲಿಯಕ್ಕೆ 3-2 ಗೆಲುವು

ಮಾಂಟ್‌ಪೆಲ್ಲರ್‌: “ಸಿ” ಬಣದ ಕಠಿನ ಹೋರಾಟದಲ್ಲಿ ಬ್ರಝಿಲ್‌ ತಂಡವನ್ನು 3-2 ಗೋಲುಗಳಿಂದ ಮಣಿಸಿದ ಆಸ್ಟ್ರೇಲಿಯ ತಂಡವು ವನಿತಾ ವಿಶ್ವಕಪ್‌ ಫ‌ುಟ್‌ಬಾಲ್‌ ಕೂಟದಲ್ಲಿ ಮುಂದಿನ ಸುತ್ತಿಗೇರುವ ತಮ್ಮ ಅವಕಾಶವನ್ನು ಜೀವಂತವಿರಿಸಿಕೊಂಡಿದೆ.

ವೆಟರನ್‌ ಮಾರ್ತಾ ಮತ್ತು ಕ್ರಿಸ್ಟಿನ್‌ ಅವರ ನೆರವಿನಿಂದ ಬ್ರಝಿಲ್‌ 38ನೇ ನಿಮಿಷದಲ್ಲಿ 2-0 ಮುನ್ನಡೆ ಸಾಧಿಸಿತ್ತು. ಆದರೆ ಆಬಳಿಕ ಅಮೋಘ ಆಟದ ಪ್ರದರ್ಶನ ನೀಡಿದ ಆಸ್ಟ್ರೇಲಿಯ ವನಿತೆಯರು ಮೂರು ಗೋಲು ಬಾರಿಸಿ ಮೇಲುಗೈ ಸಾಧಿಸಿದರು.