ಸೈನಿಕರ ಜತೆ ಅನುಚಿತ ವರ್ತನೆ ಮಹಿಳೆ ಬಂಧನ

ನವದೆಹಲಿ: ದಕ್ಷಿಣ ದೆಹಲಿಯ ವಸಂತ ಕುಂಜ್‌ನಲ್ಲಿ ಸೈನಿಕರಿಬ್ಬರ ಜತೆ ಜಗಳ ತೆಗೆದು ಹೊಡೆದ ಆರೋಪಕ್ಕೆ ಸಂಬಂಧಿಸಿದಂತೆ ಮಹಿಳೆಯನ್ನು ಬಂಧಿಸಿ, ಬಿಡುಗಡೆ ಮಾಡಲಾಗಿದೆ. ಸೇನಾ ಸಿಬ್ಬಂದಿ ಟ್ರಕ್‌ನಲ್ಲಿ ನಿಜಾಮುದ್ದೀನ್‌ ರೈಲು ನಿಲ್ದಾಣಕ್ಕೆ ಹೋಗುವ ಸಂದರ್ಭದಲ್ಲಿ ಕಾರೊಂದು
ಅದನ್ನು ಹಿಂದಿಕ್ಕಿತು. ಇದಲ್ಲದೆ ಮನಬಂದಂತೆ ಮಹಿಳೆ ಡ್ರೈವ್‌ ಮಾಡುತ್ತಿದ್ದರು. ಹಾರನ್‌ ಮಾಡಿದರೂ ಮುಂದೆ ಹೋಗಲು ಅವಕಾಶ ನೀಡದೆ ರಸ್ತೆಯಲ್ಲೇ ಆಕೆ ಕಾರು ನಿಲ್ಲಿಸಿದ್ದರು ಒಂದು ಹಂತದಲ್ಲಿ ಟ್ರಕ್‌ ನಿಲ್ಲಿಸಿ ಮಹಿಳೆ ಜತೆ ಮಾತಾಡಲು ಮುಂದಾದಾಗ ಆಕೆ ಬೈಯ್ದು, ಹಲ್ಲೆ
ನಡೆಸಿದ್ದಾಳೆ ಎಂದು ಆರೋಪಿಸಿದ್ದಾರೆ. ದೂರಿನ ಆಧಾರದಲ್ಲಿ ಮಹಿಳೆಯನ್ನು ಬಂಧಿಸಿ ಕೋರ್ಟ್‌ ಮುಂದೆ ಹಾಜರುಪಡಿಸಿದಾಗ ಆಕೆಗೆ ಜಾಮೀನು ನೀಡಲಾಯಿತು.