ಕೇರಳ ಬೀಚಲ್ಲಿ ಮಹಿಳೆಯನ್ನು ಇರಿದು ಕೊಂದ ಪ್ರಿಯಕರ ಅರೆಸ್ಟ್‌

ಕೊಚ್ಚಿ : ಇಲ್ಲಿಗೆ ಸಮೀಪದ ಚೇರಾಯಿ ಬೀಚ್‌ ನಲ್ಲಿ ವ್ಯಕ್ತಿಯೋರ್ವ 30ರ ಹರೆಯದ ಮಹಿಳೆಯೋರ್ವರನ್ನು ಇರಿದು ಸಾಯಿಸಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ. 

ಮಹಿಳೆಯನ್ನು ಇರಿದು ಕೊಂದಿರುವ ಆರೋಪಿಯನ್ನು ಪೊಲೀಸರು ಬಂಧಿಸಿದ್ದು ಆತನನ್ನು ಪ್ರಶಾಂತ್‌ ಎಂದೂ, ಮಹಿಳೆಯ ಪ್ರಿಯರಕನೆಂದೂ ಗುರುತಿಸಲಾಗಿದೆ. 

ಮೃತ ಮಹಿಳೆಯ ಹೆಸರು ಶೀತಲ್‌ ಎಂದು ಗೊತ್ತಾಗಿದೆ. ಆಕೆಯನ್ನು ಪ್ರಶಾಂತ್‌ ಯಾವ ಕಾರಣಕ್ಕೆ ಕೊಂದಿದ್ದ ಎಂಬುದನ್ನು ತನಿಖೆ ಮಾಡಲಾಗುತ್ತಿದೆ. 

ಪ್ರಶಾಂತನಿಂದ ಇರಿತಕ್ಕೆ ಗುರಿಯಾದ ಮಹಿಳೆ ಸಹಾಯಕ್ಕಾಗಿ ರಿಸಾರ್ಟ್‌ ಕಡೆಗೆ ಧಾವಿಸಿದಾಗ ಅಲ್ಲಿದ್ದವರು ಒಡನೆಯೇ ಆಕೆಯನ್ನು ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಆದರೆ ಆಕೆಯನ್ನು ಬದುಕುಳಿಸಲು ಅಸಾಧ್ಯವಾಗಿದೆ.