ಯುನೈಟೆಡ್‌ ಕಿಂಗ್‌ಡಮ್‌: ಚಿಕನ್‌  ನಜೆಟ್ಸ್‌ ತಿಂದು ಗಿನ್ನೆಸ್‌ ರೆಕಾರ್ಡ್‌

ಲಂಡನ್‌: ಗಿನ್ನೆಸ್‌ ರೆಕಾರ್ಡ್‌ ಮಾಡಬೇಕೆಂದು ಎಂತೆಂತಧ್ದೋ ಸಾಹಸಗಳನ್ನು ಮಾಡುವವರಿದ್ದಾರೆ. ಅದೇ ರೀತಿ ಯುನೈಟೆಡ್‌ ಕಿಂಗ್‌ಡಮ್‌ನ ಲೇಹ್‌ ಶಟ್ಕೆವರ್ ಚಿಕನ್‌ ನಜೆಟ್ಸ್‌ ತಿನ್ನುವ ಮೂಲಕ ಗಿನ್ನೆಸ್‌ ರೆಕಾರ್ಡ್‌ ಬರೆದಿದ್ದಾರೆ.

ಲೇಹ್‌ ಅವರು 1 ನಿಮಿಷದಲ್ಲಿ 19 ಚಿಕನ್‌ ನಜೆಟ್ಸ್‌ ಅಂದರೆ ಒಟ್ಟು 352 ಗ್ರಾಂ ಚಿಕನ್‌ ತಿಂದಿದ್ದಾರೆ. ಈ ಹಿಂದಿನ ದಾಖಲೆಯಲ್ಲಿ ನ್ಯೂಜಿಲೆಂಡ್‌ನ‌ ನೇಲಾ ಅವರು 298 ಗ್ರಾಂ ಚಿಕನ್‌ ನಜೆಟ್ಸ್‌ ತಿಂದಿದ್ದರು. ಆ ದಾಖಲೆಯನ್ನು ಇದೀಗ ಲೇಹ್‌ ಮುರಿದಿದ್ದು, ವಿಶ್ವದಲ್ಲಿ ಒಂದೇ ನಿಮಿಷದಲ್ಲಿ ಅತಿ ಹೆಚ್ಚು ಚಿಕನ್‌ ನಜೆಟ್ಸ್‌ ತಿಂದವರಾಗಿ ಹೊರಹೊಮ್ಮಿದ್ದಾರೆ.

ಅಂದ ಹಾಗೆ ಲೇಹ್‌ ಅವರು ತಿನ್ನುವ ಮೂಲಕ ಅನೇಕ ಗಿನ್ನೆಸ್‌ ರೆಕಾರ್ಡ್‌ ಬರೆದಿದ್ದಾರೆ. 3 ನಿಮಿಷದಲ್ಲಿ ಅತಿ ಹೆಚ್ಚು ಚಿಕನ್‌ ನಜೆಟ್ಸ್‌ ತಿನ್ನುವುದು, 1 ನಿಮಿಷದಲ್ಲಿ ಹೆಚ್ಚು ಟೊಮೊಟೋ(8) ತಿನ್ನುವುದು ಹೀಗೆ ಹತ್ತಾರು ಗಿನ್ನೆಸ್‌ ರೆಕಾರ್ಡ್‌ ಅವರ ಹೆಸರಿನಲ್ಲಿದೆ.