Advertisement
ಮಂಗಳವಾರ ರಾತ್ರಿ ಡೆಹ್ರಾಡೂನ್ನಲ್ಲಿ ನಡೆದ 2ನೇ ಟಿ20 ಪಂದ್ಯದಲ್ಲಿ ಅಫ್ಘಾನಿಸ್ಥಾನ 6 ವಿಕೆಟ್ಗಳಿಂದ ಬಾಂಗ್ಲಾವನ್ನು ಮಣಿಸಿ ಸರಣಿ ವಶಪಡಿಸಿಕೊಂಡಿತು. 3 ಪಂದ್ಯಗಳ ಸರಣಿಯಲ್ಲೀಗ ಅಫ್ಘಾನ್ 2 0 ಮುನ್ನಡೆಯಲ್ಲಿದೆ.ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ದುಕೊಂಡ ಬಾಂಗ್ಲಾದೇಶ 8 ವಿಕೆಟಿಗೆ 134 ರನ್ನುಗಳ ಸಾಮಾನ್ಯ ಮೊತ್ತ ಗಳಿಸಿದರೆ, ಅಫ್ಘಾನಿಸ್ಥಾನ 18.5 ಓವರ್ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ 135 ರನ್ ಬಾರಿಸಿ ವಿಜಯಿಯಾಯಿತು. 4 ಓವರ್ಗಳ ಕೋಟಾದಲ್ಲಿ ಕೇವಲ 12 ರನ್ ನೀಡಿದ ರಶೀದ್ ಖಾನ್ 4 ವಿಕೆಟ್ ಉಡಾಯಿಸಿ ಮೆರೆದರು. ಸತತ 2ನೇ ಪಂದ್ಯಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು.
ಅಫ್ಘಾನ್ ಬ್ಯಾಟಿಂಗ್ ಸರದಿಯಲ್ಲಿ ಮಿಂಚಿದವರು ಸಮಿಯುಲ್ಲ ಶೇನ್ವರಿ ಮತ್ತು ಮೊಹಮ್ಮದ್ ನಬಿ. ಶೇನ್ವರಿ 41 ಎಸೆತಗಳಿಂದ 49 ರನ್ ಬಾರಿಸಿದರೆ (2 ಬೌಂಡರಿ, 3 ಸಿಕ್ಸರ್), ನಬಿ ಅಜೇಯ 31 ರನ್ ಹೊಡೆದರು (15 ಎಸೆತ, 3 ಬೌಂಡರಿ, 2 ಸಿಕ್ಸರ್). ಮೊಹಮ್ಮದ್ ಶಾಜಾದ್ (24) ಉಸ್ಮಾನ್ ಗನಿ (21) ಜೋಡಿಯಿಂದ ಉತ್ತಮ ಆರಂಭ ಲಭಿಸಿತು. ಇವರು ಮೊದಲ ವಿಕೆಟಿಗೆ 5.4 ಓವರ್ಗಳಿಂದ 38 ರನ್ ಹೊಡೆದರು. ಬಾಂಗ್ಲಾ ಬ್ಯಾಟಿಂಗ್ ವೇಳೆ ಓಪನರ್ ತಮಿಮ್ ಇಕ್ಬಾಲ್ ಸರ್ವಾಧಿಕ 43 ರನ್ ಹೊಡೆದರೆ (48 ಎಸೆತ, 5 ಬೌಂಡರಿ), ಮುಶ್ಫಿಕರ್ ರಹೀಂ 22 ಮತ್ತು ಅಬು ಹೈದರ್ 21 ರನ್ ಮಾಡಿದರು.
Related Articles
Advertisement