Advertisement
ಒಂದು ವರ್ಷದ ಬ್ರೇಕ್‌ ಬಳಿಕ ಸೆರೆನಾ ವಿಲಿಯಮ್ಸ್‌ ಆಡುತ್ತಿರುವುದು ಈ ಕೂಟದ ಆಕರ್ಷಣೆ.
Related Articles
Advertisement
3 ಗ್ರ್ಯಾನ್‌ಸ್ಲಾಮ್‌ ಪ್ರಶಸ್ತಿಗಳ ಒಡೆಯ ಸ್ಟಾನಿಸ್ಲಾಸ್‌ ವಾವ್ರಿಂಕ ಇಟಲಿಯ ಉದಯೋನ್ಮುಖ ಆಟಗಾರ ಜಾನಿಕ್‌ ಸಿನ್ನರ್‌ ಅವರೆದುರು ಮೊದಲ ಸುತ್ತಿನ ಪಂದ್ಯ ಆಡಲಿದ್ದಾರೆ.
ವನಿತಾ ವಿಭಾಗಸೆರೆನಾ ವಿಲಿಯಮ್ಸ್‌ ಅವರ ಮೊದಲ ಸುತ್ತಿನ ಎದುರಾಳಿ ಹಾರ್ಮನಿ ಟಾನ್‌. 113ನೇ ರ್‍ಯಾಂಕಿಂಗ್‌ನ ಫ್ರಾನ್ಸ್‌ ಆಟಗಾರ್ತಿಗೆ ಇದು ಮೊದಲ ವಿಂಬಲ್ಡನ್‌. ಇನ್ನೊಂದೆಡೆ 40 ವರ್ಷದ ಸೆರೆನಾ 7 ವಿಂಬಲ್ಡನ್‌ ಹಾಗೂ 23 ಗ್ರ್ಯಾನ್‌ಸ್ಲಾಮ್‌ ಪ್ರಶಸ್ತಿಗಳ ಒಡತಿಯಾಗಿದ್ದಾರೆ. ಸೆರೆನಾಗೆ ದ್ವಿತೀಯ ಸುತ್ತಿನಲ್ಲಿ 32ನೇ ಶ್ರೇಯಾಂಕಿತೆ ಸಾರಾ ಸೊರಿಬೆಸ್‌ ಟೊರ್ಮೊ ಎದುರಾಗುವ ಸಾಧ್ಯತೆ ಇದೆ. ಬಳಿಕ 6ನೇ ಶ್ರೇಯಾಂಕದ ಕ್ಯಾರೋಲಿನಾ ಪ್ಲಿಸ್ಕೋವಾ ಅವರ ಕಠಿನ ಸವಾಲು ಎದುರಾಗಬಹುದು. ಪ್ಲಿಸ್ಕೋವಾ ಕಳೆದ ವರ್ಷದ ವಿಂಬಲ್ಡನ್‌ ಸಿಂಗಲ್ಸ್‌ ರನ್ನರ್ ಅಪ್‌ ಆಗಿದ್ದಾರೆ. ಫೈನಲ್‌ನಲ್ಲಿ ಅವರು ಆ್ಯಶ್ಲಿ ಬಾರ್ಟಿಗೆ ಶರಣಾಗಿದ್ದರು. ಕಳೆದ ಮಾರ್ಚ್‌ನಲ್ಲಿ ಬಾರ್ಟಿ ನಿವೃತ್ತಿ ಘೋಷಿಸಿದ್ದರಿಂದ ಈ ಬಾರಿಯ ವನಿತಾ ಪ್ರಶಸ್ತಿ ಯಾರಿಗೆ ಒಲಿಯಲಿದೆ ಎಂಬುದೊಂದು ಕುತೂಹಲ. ಫ್ರೆಂಚ್‌ ಓಪನ್‌ ಚಾಂಪಿಯನ್‌, ಪೋಲೆಂಡ್‌ನ ಅಗ್ರ ಶ್ರೇಯಾಂಕಿತೆ ಐಗಾ ಸ್ವಿಯಾಟೆಕ್‌ ಕ್ರೊವೇಶಿಯಾದ ಅರ್ಹತಾ ಆಟಗಾರ್ತಿ ಜಾನಾ ಫೆಟ್‌ ವಿರುದ್ಧ ಮೊದಲ ಸುತ್ತಿನ ಸ್ಪರ್ಧೆಗೆ ಇಳಿಯಲಿದ್ದಾರೆ. ಸತತ 35 ಪಂದ್ಯಗಳ ಗೆಲುವಿನ ಸಾಧನೆಯೊಂದಿಗೆ ಸ್ವಿಯಾಟೆಕ್‌ ವಿಂಬಲ್ಡನ್‌ಗೆ ಆಗಮಿಸುತ್ತಿದ್ದಾರೆ.