ಮತ್ತೆ ಮುನ್ನೆಲೆಗೆ ಬರಲು ಹಿಂದುತ್ವದತ್ತ ಎಮ್ಮೆನ್ನೆಸ್‌

ಮುಂಬಯಿ: ಶಿವಸೇನೆಯನ್ನು 2006ರಲ್ಲಿ ತೊರೆದ ಬಳಿಕ ಮಹಾರಾಷ್ಟ್ರ ನವ ನಿರ್ಮಾಣ ಸೇನೆ ಸ್ಥಾಪಿಸಿದ್ದ ರಾಜ್‌ ಠಾಕ್ರೆ ಈಗ ಹಿಂದುತ್ವ ಅಜೆಂಡಾದತ್ತ ವಾಲುವ ಮೂಲಕ ಮಹಾರಾಷ್ಟ್ರದಲ್ಲಿ ತಮ್ಮ ಸಂಘಟನೆಯನ್ನು ಬಲಪಡಿಸಲು ಮುಂದಾಗಿದ್ದಾರೆ.
ರಾಜ್‌ ಠಾಕ್ರೆ ಅವರ ಸೋದರ ಸಂಬಂಧಿ ಬಾಳಾ ಸಾಹೇಬ್‌ ಠಾಕ್ರೆ ಜನ್ಮದಿನ ಪ್ರಯುಕ್ತ ಗುರುವಾರ ನಡೆದ ಕಾರ್ಯಕ್ರಮದಲ್ಲಿ ಅದಕ್ಕೆ ಪುಷ್ಟಿ ನೀಡುವ ಅಂಶಗಳು ಕಂಡುಬಂದಿವೆ.

ಸ್ವಾತಂತ್ರ್ಯ ಹೋರಾಟಗಾರ ವಿ.ಡಿ. ಸಾವರ್ಕರ್‌ ಫೋಟೋ, ಕೇಸರಿ ಬಾವುಟಗಳು ವೇದಿಕೆಯಲ್ಲಿ ಕಂಡು ಬಂದಿವೆ. ಶಿವಾಜಿಯ ಪ್ರತಿಮೆಯನ್ನೂ ಅಲ್ಲಿ ಇರಿಸಲಾಗಿತ್ತು. ಇದೇ ಸಂದರ್ಭದಲ್ಲಿ ರಾಜ್‌ ಠಾಕ್ರೆ ಪುತ್ರ ಅಮಿತ್‌ ಠಾಕ್ರೆ ಅವರನ್ನು ಎಂಎನ್‌ಎಸ್‌ಗೆ ಸೇರ್ಪಡೆ ಮಾಡಲಾಗಿದೆ. ಸಂಘಟನೆಯ ಹಿರಿಯ ನಾಯಕ ಸಂದೀಪ್‌ ದೇಶಪಾಂಡೆ ಪ್ರತಿಕ್ರಿಯೆ ನೀಡಿ, ಹೊಸ ಕ್ರಮದಿಂದ ಪಕ್ಷ ಸಂಘಟನೆಗೆ ನೆರವಾಗಲಿದೆ ಎಂದು ಹೇಳಿಕೊಂಡಿದ್ದಾರೆ.