RSS ವಿಭಜನ ಸಿದ್ಧಾಂತ ಸೋಲಿಸುವೆವು: ಪ್ರಿಯಾಂಕಾ ಗಾಂಧಿ ವಾದ್ರ

ಹೊಸದಿಲ್ಲಿ : ”ನಾವು RSS ನ ವಿಭಜನ ಸಿದ್ಧಾಂತವನ್ನು ಸೋಲಿಸಿ ಜನರನ್ನು ಒಗ್ಗೂಡಿಸುವ ಕೆಲಸವನ್ನು ಮಾಡುವೆವು” ಎಂದು ಪೂರ್ವ ಉತ್ತರ ಪ್ರದೇಶದ ಪ್ರಭಾರ ಕಾಂಗ್ರೆಸ್‌ ಪ್ರಧಾನ ಕಾರ್ಯದರ್ಶಿಯಾಗಿ ಈಚೆಗೆ ನೇಮಕಗೊಂಡಿರುವ ಪ್ರಿಯಾಂಕಾ ಗಾಂಧಿ ವಾದ್ರ ಹೇಳಿದ್ದಾರೆ. 

ಆ ಮೂಲಕ ಅವರು ರಾಜ್ಯದಲ್ಲಿನ ಆಳುವ ಬಿಜೆಪಿ ಸರಕಾರಕ್ಕೆ ಮತ್ತು ಇತರ ಬಲಪಂಥೀಯ ಸಂಘಟನೆಗಳಿಗೆ ಕಠಿನ ಸಂದೇಶವನ್ನು ರವಾನಿಸಿದ್ದಾರೆ.

ನಿನ್ನೆ ಗುರುವಾರ ಇಲ್ಲಿನ ಕಾಂಗ್ರೆಸ್‌ ಕಾರ್ಯಾಲಯದಲ್ಲಿ ತನ್ನ ಪ್ರಥಮ ಔಪಚಾರಿಕ ಸಭೆಯನ್ನು ಉದ್ದೇಶಿಸಿ ಮಾತನಾಡಿದ ಪ್ರಿಯಾಂಕಾ, ಆರ್‌ ಎಸ್‌ ಎಸ್‌ ಮತ್ತು ಬಿಜೆಪಿಯ ಸಂಯುಕ್ತ ಸಿದ್ಧಾಂತ ಮತ್ತು ಆಲೋಚನಾ ಕ್ರಮವನ್ನು ನಾವೀಗ ಸೋಲಿಸಬೇಕಾಗಿದೆ ಎಂದು ಹೇಳಿದರು. 

ಇಲ್ಲಿನ ಕಾಂಗ್ರೆಸ್‌ ಪ್ರಧಾನ ಕಾರ್ಯಾಲಯದಲ್ಲಿ ಪಕ್ಷದ ಅಧ್ಯಕ್ಷ ರಾಹುಲ್‌ ಗಾಂಧಿ ಅವರು ಏರ್ಪಡಿಸಿದ ಪಕ್ಷ ಪದಾಧಿಕಾರಿಗಳ ಸಭೆಯಲ್ಲಿ ಮುಂಬರುವ ಲೋಕಸಭಾ ಚುನಾವಣೆಯಲ್ಲಿ ಪಕ್ಷವು ಅನುಸರಿಸಬೇಕಾದ  ರಣತಂತ್ರವನ್ನು ಚರ್ಚಿಸಲಾಯಿತು.