ಮುಂದಿನ ಎಲೆಕ್ಷನ್‌ನಲ್ಲೂ ಸ್ಪರ್ಧಿಸುವೆ: ನಟ ಕಮಲ್‌ ಹಾಸನ್‌

ಚೆನ್ನೈ: 2025ರಲ್ಲಿ ನಡೆಯಲಿರುವ ತಮಿಳುನಾಡು ವಿಧಾನಸಭೆಗೆ ತಾವು ಪುನಃ ಸ್ಪರ್ಧಿಸುವುದಾಗಿ ತಮಿಳು ಚಿತ್ರರಂಗದ ಹಿರಿಯ ನಟ ಕಮಲ್‌ ಹಾಸನ್‌ ತಿಳಿಸಿದ್ದಾರೆ.

2021ರಲ್ಲಿ ನಡೆದಿದ್ದ ವಿಧಾನಸಭಾ ಚುನಾವಣೆಯಲ್ಲಿ ತಮ್ಮ ಮಕ್ಕಳ್‌ ನೀದಿ ಮಯ್ಯಮ್‌ ಪಕ್ಷದಿಂದ ಸ್ಪರ್ಧಿಸಿ ಸೋತಿದ್ದ ಕಮಲ್‌, ಆನಂತರ ಪುನಃ ಚಿತ್ರರಂಗಕ್ಕೆ ಆಗಮಿಸಿ, ಇತ್ತೀಚೆಗೆ ಬಿಡುಗಡೆಯಾದ ತಮ್ಮ ವಿಕ್ರಮ್‌ ಚಿತ್ರದಿಂದ ಪುನಃ ಮೇಲ್ಪಂಕ್ತಿಗೆ ಬಂದಿದ್ದಾರೆ.

ಆ ಹಿನ್ನೆಲೆಯಲ್ಲಿ, “ಇನ್ನು ಮುಂದೆ ಸಿನಿಮಾದಲ್ಲೇ ಶಾಶ್ವತವಾಗಿ ಉಳಿಯುವಿರಾ’ ಎಂಬ ಪ್ರಶ್ನೆಗೆ ಉತ್ತರಿಸಿರುವ ಅವರು, “ಹಾಗೇನಿಲ್ಲ, ನಾನು ರಾಜಕೀಯದಲ್ಲೂ ಮುಂದುವರಿಯುತ್ತೇನೆ. ಮುಂದಿನ ಚುನಾವಣೆಯಲ್ಲಿ ಸ್ಪರ್ಧಿಸುತ್ತೇನೆ’ ಎಂದಿದ್ದಾರೆ.