ವಿಮಾನದಲ್ಲಿ ವೈಫೈ: ಅರ್ಜಿ ಆಹ್ವಾನ

ಹೊಸದಿಲ್ಲಿ: ವಿಮಾನಗಳಲ್ಲಿ ವೈಫೈ ಒದಗಿಸು ವುದಕ್ಕೆ ಸಂಬಂಧಿಸಿದಂತೆ ಕೇಂದ್ರ ಸರ್ಕಾರ ನಿಯಮಾವಳಿಗಳನ್ನು ಅಂತಿಮಗೊಳಿಸಿದ್ದು, ಸೇವೆ ಒದಗಿಸುವ ಕಂಪನಿಗಳು ಇನ್ನು ಅನುಮತಿ ಕೋರಿ ಅರ್ಜಿ ಸಲ್ಲಿಸಬಹುದಾಗಿದೆ.

ಟೆಲಿಕಾಂ ಇಲಾಖೆಯು ಸೇವೆ ಪೂರೈಕೆ ದಾರರಿಗೆ ಅನುಮತಿ ನೀಡಲಿದ್ದು, ಈ ಕಂಪನಿಗಳು ವಿಮಾನಯಾನ ಸಂಸ್ಥೆಗಳಿಗೆ ವೈಫೈ ಸೇವೆಯನ್ನು ಒದಗಿಸಲಿವೆ. ಏರ್‌ಟೆಲ್‌, ಜಿಯೋ ಸೇರಿದಂತೆ ಬಹುತೇಕ ಎಲ್ಲ ಬೃಹತ್‌ ಟೆಲಿಕಾಂ ಕಂಪನಿಗಳು ಈ ಸೇವೆ ಒದಗಿಸಲು ಆಸಕ್ತಿ ವಹಿಸಿವೆ ಎನ್ನಲಾಗಿದೆ.  ಭಾರತೀಯ ವಿಮಾನಯಾನ ಸಂಸ್ಥೆಗಳು ಪ್ರಯಾಣಿಕರಿಗೆ ವೈಫೈ ಒದಗಿಸಲು ಇನ್ನಷ್ಟೇ ಸೂಕ್ತ ಸೌಲಭ್ಯವನ್ನು ಕಲ್ಪಿಸಬೇಕಿದ್ದು, ಹೊಸದಾಗಿ ಖರೀದಿ ಮಾಡಲಾಗುತ್ತಿರುವ ವಿಮಾನಗಳಲ್ಲಿ ಈಗಾಗಲೇ ವೈಫೈ ಸಂಕೇತಗಳನ್ನು ಸ್ವೀಕರಿಸುವ ಮತ್ತು ಬಿತ್ತರಿಸುವ ಸೌಲಭ್ಯವಿದೆ.