ಪತ್ನಿಯನ್ನು ಪರಿತ್ಯಜಿಸಿದ 33 ಎನ್‌ಆರ್‌ಐಗಳ ಪಾಸ್‌ ಪೋರ್ಟ್‌ ರದ್ದು

ಹೊಸದಿಲ್ಲಿ : ತಮ್ಮ ಪತ್ನಿಯನ್ನು ಪರಿತ್ಯಜಿಸಿದ 33 ಅನಿವಾಸಿ ಭಾರತೀಯರು ಅಥವಾ ಎನ್‌ಆರ್‌ಐ ಗಳ ಪಾಸ್‌ ಪೋರ್ಟನ್ನು ಸರಕಾರ ರದ್ದುಪಡಿಸಿದೆ ಎಂದು ಮಹಿಳೆ ಮತ್ತು ಮಕ್ಕಳ ಅಭಿವೃದ್ಧಿ ಸಚಿವಾಲಯ ಇಂದು ಬುಧವಾರ ತಿಳಿಸಿದೆ.

ಎನ್‌ಆರ್‌ಐ ಗಳು ತಮ್ಮ ಪತ್ನಿಯನ್ನು ಪರಿತ್ಯಜಿಸುವುದನ್ನು ಗಂಭೀರವಾಗಿ ಪರಿಗಣಿಸುವಂತೆ ಇಂಟೆಗ್ರೇಟೆಡ್‌ ನೋಡಾಲ್‌ ಏಜನ್ಸಿ ಐಎನ್‌ಐ ಗೆ ಸೂಚಿಸಲಾಗಿತ್ತು.

ಆ ಪ್ರಕಾರ ಅದು ಎನ್‌ಆರ್‌ಐ ವಿವಾಹ ಪ್ರಕರಣಗಳಲ್ಲಿ ಪತ್ನಿಯನ್ನು ತ್ಯಜಿಸಿದ ಪತಿರಾಯರಿಗೆ Look-out-circular ಗಳನ್ನು ಜಾರಿ ಮಾಡಿತ್ತು. ಈ ರೀತಿ ಈ ವರೆಗೆ 8 ಎಲ್‌ಓಸಿಗಳನ್ನು ಜಾರಿ ಮಾಡಲಾಗಿದ್ದು 33 ಎನ್‌ಆರ್‌ಐ ಗಳ ಪಾಸ್‌ ಪೋರ್ಟನ್ನು ರದ್ದು ಮಾಡಲಾಗಿದೆ ಎಂದು ಹಿರಿಯ ಅಧಿಕಾರಿ ತಿಳಿಸಿದ್ದಾರೆ.