Advertisement
ತನ್ನ ರಾಜಕೀಯ ಜೀವನದ ಪ್ರಾರಂಭದಲ್ಲಿ ಕಾಂಗ್ರೆಸ್‌ ಹಾಗೂ ಬಿಜೆಪಿ ವಿರುದ್ಧ ಗುಡುಗುತ್ತಿದ್ದ ಕೇಜ್ರಿವಾಲ್‌ ಬಳಿಕ ಕಾಂಗ್ರೆಸ್‌ ವಿರುದ್ಧ ಮೆದುವಾಗುತ್ತಾ ಬಂದವರು. ಕೇಂದ್ರ ಸರಕಾರ ಮತ್ತು ದಿಲ್ಲಿ ಆಡಳಿತದ ವಿರುದ್ಧ ಆಡಳಿತ ಸಮರಕ್ಕೆ ಲೆಫ್ಟಿನೆಂಟ್‌ ಗವರ್ನರ್‌ ಸಾಕ್ಷಿಯಾಗಿದ್ದರು. ಆದರೆ ಈ ಮುಸುಕಿನ ಗುದ್ದಾಟಗಳು ಬಿಜೆಪಿ ವಿರುದ್ಧ ಕಾಂಗ್ರೆಸ್‌ ಹಾಗೂ ಇತರ ಪ್ರಾದೇಶಿಕ ಪಕ್ಷಗಳು ಒಂದಾಗಲು ಕಾರಣವಾಯಿತು. ಪರಿಣಾಮ ದಿಲ್ಲಿಯಲ್ಲಿ ಕೇಜ್ರಿವಾಲ್‌ ಬೆಂಬಲಕ್ಕೆ ಇತರ ಪಕ್ಷಗಳು ನಿಂತವು.
ಆದರೆ ಇತ್ತೀಚಿಗಿನ ದಿನಗಳಲ್ಲಿ ಆಪ್‌ ತುಸು ಮೌನವಾದಂತೆ ಕಾಣುತ್ತಿದೆ. ಆರಂಭದಲ್ಲಿದ್ದ ಅತ್ಯುಸ್ಸಾಹ ಸುದೀರ್ಘ ಅವಧಿಗೆ ಮುಂದುವರೆಯಲಿಲ್ಲ ಎಂಬುದು ಇದಕ್ಕೆ ಕಾರಣ. ದಿಲ್ಲಿಯಲ್ಲಿ ಶೀಲಾ ದೀಕ್ಷಿತ್‌ ಸರಕಾರವನ್ನು ಸೋಲಿಸಿ ಅಧಿಕಾರ ಹಿಡಿದ ಆಪ್‌ ಆರಂಭದಲ್ಲಿ ಕಾಂಗ್ರೆಸ್‌ ಅನ್ನು ಎದುರು ಹಾಕಿಕೊಂಡಿತ್ತು. ಆದರೆ ಬಳಿಕ ಮಹಾಘಟ್‌ಬಂಧನ್‌ ರಚನೆ ಯಾದಾಗ ಅದರೊಂದಿಗೆ ಗುರುತಿಸಿಕೊಳ್ಳಲು ಯಶಸ್ವೀಯಾಗಿತ್ತು. ಕಾಂಗ್ರೆಸ್‌ ವಿರುದ್ಧ ಇದ್ದ ಅಸಮಧಾನ ಶಾಂತವಾಗಲು ಮಹಾಘಟ್‌ಬಂಧನ್‌ ಒಂದು ಕಾರಣ.
Related Articles
Advertisement
ಶೀಲಾ ದೀಕ್ಷಿತ್‌ “ಹಸ್ತ’ ಕ್ಷೇಪಮಾಜಿ ಮುಖ್ಯಮಂತ್ರಿ ಶೀಲಾ ದೀಕ್ಷಿತ್‌ ಚುನಾವಣೆ ಪೂರ್ವ ಮೈತ್ರಿಗೆ ಬೆಂಬಲ ಸೂಚಿಸಲಿಲ್ಲ. ಬಳಿಕ ಆಪ್‌ ಜತೆ ಮೈತ್ರಿ ಮಾಡಿಕೊಂಡರೆ ಭವಿಷ್ಯ ದಲ್ಲಿ ಪಕ್ಷಕ್ಕೆ ಅಸ್ತಿತ್ವವೇ ಇಲ್ಲದಂತಾಗಲಿದೆ. ನಾವು ಹೋರಾಟ ಮಾಡಿಕೊಂಡು ಬಂದ ಪಕ್ಷದ ಜತೆ ಸೀಟು ಹಂಚಿಕೆ ಮಾಡಿದರೆ ಮುದೊಂದು ದಿನ ನಮಗೆ ಕಾರ್ಯಕರ್ತರ ಬರ ಎದುರಾಗಲಿದೆ ಎಂದು ಹೇಳಿದ್ದರು. ಇದು ಕಾಂಗ್ರೆಸ್‌ ವರಿಷ್ಟರಿಗೆ ಹೌದು ಅನ್ನಿಸಿದ್ದು ಗುಟ್ಟಾಗಿ
ಉಳಿದಿಲ್ಲ. ಆ್ಯಮ್‌ ಆದ್ಮಿಗೆ 2019ರ ಲೋಕಸಭಾ ಚುನಾವಣೆ
ಡೆಬ್ಯು. ಕಾಂಗ್ರೆಸ್‌ ಜತೆ ಸೇರಿಕೊಂಡು ಬಿಜೆಪಿಯನ್ನು ಕಟ್ಟು ಹಾಕುತ್ತಾ ಕಾದು ನೋಡಬೇಕಿದೆ. ವಿಧಾನಸಭೆಯಲ್ಲಿ ಗಳಿಸಿದ
ಶೇ. 54.3 ಮತಗಳಿಕೆಯನ್ನು ಎಎಪಿ ಈ ಚುನಾವಣೆಯಲ್ಲೂ ಕಾಯ್ದು ಕೊಳ್ಳಲು ಯಾವ ತಂತ್ರದ ಮೊರೆ ಹೋಗಲಿದೆ ಎಂಬುದೇ ಕೌತುಕ.