ವಿಶ್ವ ಆರೋಗ್ಯ ಸಂಸ್ಥೆ ಚೀನಾದ ಪಿಆರ್ ಏಜೆನ್ಸಿ: ಡೊನಾಲ್ಡ್ ಟ್ರಂಪ್ ಆರೋಪ

ವಾಷಿಂಗ್ಟನ್: ವಿಶ್ವ ಆರೋಗ್ಯ ಸಂಸ್ಥೆ ಚೀನಾದ ಪಿಆರ್ಏಜೆನ್ಸಿ (ಸಾರ್ವಜನಿಕ ಸಂಪರ್ಕ ಸಂಸ್ಥೆ) ಮಾದರಿ ಕಾರ್ಯನಿರ್ವಹಿಸುತ್ತಿದೆ. ಅದಕ್ಕೆ ನಾಚಿಕೆಯಾಗಬೇಕು ಎಂದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಶ್ವೇತಭವನದಲ್ಲಿ ನಡೆದ ಸುದ್ದಿಗೋಷ್ಟಿಯಲ್ಲಿ ಕಿಡಿಕಾರಿದ್ದಾರೆ.

ಈಗಾಗಲೇ ಅಮೆರಿಕಾ  ಕೋವಿಡ್ -19 ವೈರಸ್ ನಲ್ಲಿ WHO ಪಾತ್ರದ ಬಗ್ಗೆ ತನಿಖೆಯನ್ನು ಪ್ರಾರಂಭಿಸಿದೆ. ಪ್ರತಿವರ್ಷ ಸುಮಾರು 500 ಮಿಲಿಯನ್ ಡಾಲರ್ ಗಳನ್ನು Who ಗೆ ಪಾವತಿಸಲಾಗುತ್ತಿತ್ತು, ಈ ಬಾರಿ ಆರ್ಥಿಕ ಸಹಾಯವನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾಗಿದೆ. ಆದರೇ ಚೀನಾ ಕೇವಲ ವರ್ಷಕ್ಕೆ 38 ಮಿಲಿಯನ್ ಡಾಲರ್ ಪಾವತಿಸುತಿತ್ತು. ಇದು ಇನ್ನೂ ಹೆಚ್ಚಿನದಾಗಿದ್ದರೂ, ಅದು ಅಪ್ರಸ್ತುತವಾಗುತ್ತದೆ. ಪ್ರಪಂಚದಾದ್ಯಂತದ ಲಕ್ಷಾಂತರ ಜನರು ಸಾಯಲು ಕಾರಣವಾಗುವ ತಪ್ಪುಗಳನ್ನು ಎಂದೂ ಕ್ಷಮಿಸಲಾಗದು ಎಂದು ಈ ಸಂದರ್ಭದಲ್ಲಿ ತಿಳಿಸಿದರು.

ಏತನ್ಮಧ್ಯೆ, ಈ ವರ್ಷದ ಕೊನೆಯಲ್ಲಿ ಅಮೆರಿಕಾದ  ಅಧ್ಯಕ್ಷೀಯ ಚುನಾವಣೆ ನಡೆಯಲಿದ್ದು  ಚೀನಾಕ್ಕೆ ತಾನು ಮತ್ತೊಮ್ಮೆ ಅಧಿಕಾರಕ್ಕೇರುವುದನ್ನು ನೋಡಲಾಗದೆ ಇಂತಹ ಕೃತ್ಯ ಎಸಗುತ್ತಿದೆ. ಇದಕ್ಕೆ ಮುಂದಿನ ದಿನಗಳಲ್ಲಿ ಸಮರ್ಪಕವಾಗಿ ಉತ್ತರಿಸಲಾಗುವುದು ಎಂದರು.