ಹೈದರಾಬಾದ್: ಪ್ಯಾನ್‌ ಇಂಡಿಯಾದಲ್ಲಿ ಸಖತ್‌ ಕ್ರೇಜ್‌ ಹುಟ್ಟಿಸಿರುವ ʼಪುಷ್ಪ-2ʼ (Pushpa 2: The Rule) ಸಿನಿಮಾದ ಟ್ರೇಲರ್ ಇತ್ತೀಚೆಗಷ್ಟೇ ರಿಲೀಸ್‌ ಆಗಿ ವರ್ಲ್ಡ್‌ ವೈಡ್‌ ಹವಾ ಕ್ರಿಯೇಟ್‌ ಮಾಡಿದೆ.
ಅಲ್ಲು ಅರ್ಜುನ್ (Allu Arjun) ಮಾಸ್‌ ಲುಕ್‌ & ಸ್ಟೈಲಿಸ್ಟ್‌ ಖದರ್‌ ನೋಡಿ ಫ್ಯಾನ್ಸ್‌ಗಳು ʼಪುಷ್ಪರಾಜ್‌ʼ ಗೆ ಜೈಕಾರ ಹಾಕಿದ್ದಾರೆ. ಹೈವೋಲ್ಟೇಜ್‌ ಆ್ಯಕ್ಷನ್ ಸೀನ್ಸ್‌ ವುಳ್ಳ ಟ್ರೇಲರ್‌ಗೆ ಎಲ್ಲೆಡೆ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.
ಅಲ್ಲು ಅರ್ಜುನ್, ಫಾಹದ್‌ ಫಾಸಿಲ್‌ ಕ್ಯಾರೆಕ್ಟರ್‌ ಜತೆ ಟ್ರೇಲರ್‌ನಲ್ಲಿ ಒಂದು ಕ್ಷಣ ಅರ್ಧ ತಲೆ ಬೋಳಿಸಿರುವ ಕ್ಯಾರೆಕ್ಟರ್‌ ವೊಂದರ ಝಲಕ್‌ ಬಂದು ಹೋಗುತ್ತದೆ.
ಕುತ್ತಿಗೆಗೆ ಚಪ್ಪಲಿ ಹಾರವನ್ನು ಹಾಕಿ, ತಲೆಯನ್ನು ಅರ್ಧ ಬೋಳಿಸಿರುವ ಲುಕ್‌ನಲ್ಲಿ ಕಾಣಿಸಿಕೊಂಡಿರುವ ನಟ ಯಾರು ಎನ್ನುವುದರ ಬಗ್ಗೆ ಟ್ರೇಲರ್ ರಿಲೀಸ್‌ ಆದ ಬಳಿಕ ನೆಟ್ಟಿಗರು ಚರ್ಚೆ ಆರಂಂಭಿಸಿದ್ದಾರೆ. ಈ ಪಾತ್ರದಲ್ಲಿ ಕಾಣಿಸಿಕೊಂಡಿರುವುದು ಕನ್ನಡದ ನಟ ತಾರಕ್ ಪೊನ್ನಪ್ಪ (Tarak Ponnappa).
ಯಾರು ಈ ತಾರಕ್ ಪೊನ್ನಪ್ಪ?: ಆರಂಭದಲ್ಲಿ ಕಿರುತೆರೆಯಲ್ಲಿ ನಟಿಸಿ ಮಿಂಚಿದ ತಾರಕ್ ಆ ಬಳಿಕ ಕನ್ನಡದ ಹಲವು ಸಿನಿಮಾಗಳಲ್ಲಿ ನಟಿಸಿ ಗಮನ ಸೆಳೆದಿದ್ದಾರೆ.
ರಾಕಿಂಗ್‌ ಸ್ಟಾರ್‌ ಯಶ್‌ ಅವರ ʼಕೆಜಿಎಫ್-1ʼ2, ನಲ್ಲಿ ದಯಾ ಎನ್ನುವ ನೆಗಟಿವ್ ರೋಲ್‌ನಲ್ಲಿ ತಾರಕ್ ಕಾಣಿಸಿಕೊಂಡಿದ್ದಾರೆ. ಕನ್ನಡದ ಈ ಪಾತ್ರದಲ್ಲಿ ಹೆಚ್ಚು ಗಮನ ಸೆಳೆದ ಅವರಿಗೆ ಟಾಲಿವುಡ್‌ ಸಿನಿಮಾರಂಗದಿಂದ ಆಫರ್‌ಗಳು ಬರಲು ಆರಂಭಿಸಿತು.
ಜೂ. ಎನ್‌ ಟಿರ್‌ ಅವರ ʼದೇವರ-1ʼ ಸಿನಿಮಾದಲ್ಲಿ ತಾರಕ್ ಸೈಫ್ ಅಲಿ ಖಾನ್ ಅವರ ಮಗ ʼಪಾಸುರʼನ ಪಾತ್ರಕ್ಕೆ ಬಣ್ಣ ಹಚ್ಚಿದ್ದಾರೆ.
ಈ ಜನಪ್ರಿಯ ಸಿನಿಮಾಗಳಲ್ಲಿ ನಟಿಸುವ ಮುನ್ನ ಸಾಲು ಸಾಲು ಕನ್ನಡ ಸಿನಿಮಾದಲ್ಲಿ ತಾರಕ್ ಕಾಣಿಸಿಕೊಂಡಿದ್ದಾರೆ. ʼಅಜರಾಮರʼ, ʼಗಿಲ್ಕಿʼ, ʼಯುವರತ್ನʼ ʼ ಅಮೃತ್ ಅಪಾರ್ಟ್‌ಮೆಂಟ್ಸ್‌ʼ, ʼ ಬೃಹಸ್ಪತಿʼ, ʼಜೇಮ್ಸ್‌ʼ, ʼಮೋಕ್ಷʼ, ʼಕೋಟಿಗೊಬ್ಬ -3ʼ, ʼಕನ್ನಡ ದೇಶದೊಳ್‌ʼ ಸೇರಿದಂತೆ ಹಲವು ಸಿನಿಮಾಗಳಲ್ಲಿ ನಟಿಸಿದ್ದಾರೆ.
ಪುನೀತ್‌ ರಾಜ್‌ ಕುಮಾರ್‌, ಸುದೀಪ್‌, ಯಶ್‌ ರಂತಹ ಖ್ಯಾತ ನಟರ ಜತೆ ತಾರಕ್ ಸ್ಕ್ರೀನ್‌ ಹಂಚಿಕೊಂಡಿದ್ದಾರೆ.
