ಕೆಂಪು ಬಟ್ಟೆ ಹಾರಿಸಿ ರಾಜಧಾನಿ ರೈಲು ನಿಲ್ಲಿಸಿದ ಹುಡುಗ : ಸೆಲ್ಫಿಗಾಗಿ

ಆಲೀಗಢ : ನಂಬಿದ್ರೆ ನಂಬಿ, ಇದು ನಡೆದಿರುವುದಂತೂ ನಿಜ ! ದಿಲ್ಲಿಗೆ ಹೋಗುತ್ತಿದ್ದ ಸೀಲ್ಡಾ ರಾಜಧಾನಿ ಎಕ್ಸ್‌ಪ್ರೆಸ್‌ ರೈಲಿಗೆ ಅಪಾಯದ ಮುನ್ಸೂಚನೆಗಾಗಿ ಹುಡುಗನೊಬ್ಬ ಕೆಂಪು ಬಟ್ಟೆ ತೋರಿಸಿದ್ದಾನೆ. ಯಾಕಾಗಿ ಗೊತ್ತಾ ? ಕೇವಲ ತನ್ನದೊಂದು ಸೆಲ್ಫಿ ತೆಗೆದುಕೊಳ್ಳುವುದಕ್ಕಾಗಿ !

ಉತ್ತರ ಪ್ರದೇಶದ ಆಲಿಗಢ ಜಿಲ್ಲೆಯ ಪೋರಾ ರೈಲ್ವೇ ಸ್ಟೇಶನ್‌ ಸಮೀಪ ಈ ಘಟನೆ ನಡೆದಿದೆ. 

ಸೆಲ್ಫಿ ತೆಗೆದುಕೊಂಡ ಬಳಿಕ ಹುಡುಗನು ಪರಾರಿಯಾಗಿದ್ದಾನೆ.

ಅಪಾಯದ ಮುನ್ಸೂಚನೆಯಾಗಿ ಹುಡುಗನು ಹಾರಿಸಿದ್ದ ಕೆಂಪು ಬಟ್ಟೆಯನ್ನು ಕಂಡೊಡನೆಯೇ ಟ್ರೈನ್‌ ಡ್ರೈವರ್‌ ಎಮರ್ಜೆನ್ಸಿ ಬ್ರೇಕ್‌ ಹಾಕಿ ರೈಲನ್ನು ನಿಲ್ಲಿಸಿದ್ದಾನೆ.

ಇದೀಗ ಪೊಲೀಸರು ಈ ಘಟನೆಯ ಬಗ್ಗೆ ಕೇಸೊಂದನ್ನು ದಾಖಲಿಸಿದ್ದಾರೆ. 

ನಾಪತ್ತೆಯಾಗಿರುವ ಪುಂಡ ಹುಡುಗನಿಗಾಗಿ ಹುಡುಕಾಟ ನಡೆಸಿದ್ದಾರೆ.