ನಾರ್ವೆ: ಬೋಟ್ ನಲ್ಲಿ ಸಾಗುತ್ತಿದ್ದ ಯುವತಿಯೊಬ್ಬಳ ಸ್ಮಾರ್ಟ್ ಫೋನ್ ಒಂದು ಅಚಾನಕ್ ಆಗಿ ಸಮುದ್ರದ ನೀರಿನೊಳಗೆ ಬೀಳುತ್ತದೆ. ಅಯ್ಯೋ ತನ್ನ ಮೊಬೈಲ್ ನೀರಿಗೆ ಬಿತ್ತಲ್ಲ ಎಂದು ಆ ಯುವತಿ ಚಿಂತಿಸುತ್ತಿರುವಾಗಲೇ ನೀರಿನಲ್ಲಿದ್ದ ತಿಮಿಂಗಿಲವೊಂದು ಆ ಮೊಬೈಲ್ ಫೋನನ್ನು ತನ್ನ ಬಾಯಲ್ಲಿ ಇರಿಸಿಕೊಂಡು ಮೇಲಕ್ಕೆ ಬರುತ್ತದೆ.
ಈ ದೃಶ್ಯವನ್ನು ನೋಡಿದ ಆ ಬೋಟ್ ನಲ್ಲಿದ್ದ ಯುವತಿ ಹಾಗೂ ಇತರರು ಒಂದು ಕ್ಷಣ ಆಶ್ಚರ್ಯಕ್ಕೊಳಗಾಗುತ್ತಾರೆ. ಬಳಿಕ ತಿಮಿಂಗಿಲದ ಬಾಯಿಯಿಂದ ಮೊಬೈಲ್ ಫೋನನ್ನು ತೆಗೆದುಕೊಳ್ಳುತ್ತಾರೆ.
ಬೋಟ್ ನಲ್ಲಿದ್ದವರು ಮೊಬೈಲ್ ಅನ್ನು ತೆಗೆದುಕೊಳ್ಳುವವರೆಗೂ ಆ ತಿಮಿಂಗಲವು ಹಾಗೆಯೇ ನಿಂತಿರುತ್ತದೆ. ನಾರ್ವೆ ದೇಶದ ಹ್ಯಾಮರ್ ಫೆಸ್ಟ್ ಬಂದರು ಪ್ರದೇಶದಲ್ಲಿ ನಡೆದಿರುವ ಈ ಘಟನೆಯ ವಿಡಿಯೋ ಇದೀಗ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಇಸಾ ಓಫ್ಡಾಲ್ ಎನ್ನುವ ಯುವತಿಯೇ ಮೊಬೈಲ್ ಅನ್ನು ನೀರಿಗೆ ಬೀಳಿಸಿದಾಕೆ.
ಈ ವೈರಲ್ ವಿಡಿಯೋವನ್ನು ನೀವೂ ಒಮ್ಮೆ ನೋಡಿಬಿಡಿ…